ආණ්ඩුව තුළ කැරලිකාරී ලෙස හැසිරුණු විමල් වීරවංශ, උදය ගම්මන්පිල, දිනේෂ් ගුණවර්ධන, වාසුදේව නානායක්කාර වැනි කුඩා පක්ෂ නායකයින් මේ වනවිට දමනය වෙමින් පවතින ස්වභාවයක් පෙන්නුම් කරමින් සිටී.

මෙහි නවතම තත්වය වූයේ සුසිල් ප්‍රේම්ජයන්ත් මහතාව අමාත්‍ය ධුරයෙන් ඉවත් කිරීම සම්බන්ධයෙන් සෘජු ප්‍රකාශයක් ලබාදීමට දක්වන අකමැත්තයි.

ඊයේ (05) මාලබේ ප්‍රදේශයේ පාසලක පැවති මුල්ගල් තැබීමේ උත්සවකයට පැමිණ සිටි විමල් වීරවංශ, දිනේශ් ගුණවර්ධන යන අමාත්‍යවරුන් වෙතින් ද මේ තත්වය දැකගත හැකිවිය.

සුසිල්ගේ සිද්ධිය සම්බන්ධයෙන් අදහස් දැක්වීම විමල් වීරවංශ මහතාට පවරමින් දිනේෂ් ගුණවර්ධන මහතා කර ඇරිය අතර විමල් වීරවංශ මහතා එහිදී “මං කියන දේ මොනවා හරි අවුලක් තියෙයිද දන්නෑ” යනුවෙන් රහසින් දිනේෂ් ගුණවර්ධන මහතාගෙන් විමසන ආකාරය ද දක්නට ලැබිණි.

කොළඹ අපරාධ කොට්ඨාසයේ (C.C.D.)  අධ්‍යක්ෂ ජේ‍යෂ්ඨ පොලිස් අධිකාරි ජී. ජනක් නන්දන මහතා වහාම ක්‍රියාත්මක වන පරිදි ඊයේ (05දා) සිට එම අධ්‍යක්ෂ ධුරයෙන් ඉවත් කර ඇත.

ඒ පොලිස්පතිවරයාගේ නිර්දේශය මත සේවයේ අවශ්‍යතාව අනුව යැයි කියැවේ. මහජන ආරක්ෂක අමාත්‍යාංශයේ ලේකම්වරයාගේ හා ජාතික පොලිස් කොමිසමේ අනුමැතියද ඒ සඳහා හිමි වී ඇතැයි වාර්තා වේ.

පොලිස් ක්‍ෂේත්‍ර බළකා මූලස්ථානය වෛද්‍ය සේවා හා සුබසාධනය භාර ජේ‍යෂ්ඨ නියෝජ්‍ය පොලිස්පති රන්මල් කොඩිතුවක්කු මහතාගේ පෞද්ගලික සහකාර ලෙස ජේ‍යෂ්ඨ පොලිස් අධිකාරි නන්දන මහතා පත්කර තිබේ.

2020 මැයි මස 09 වැනි දින කොළඹ අපරාධ කොට්ඨාසයේ අධ්‍යක්ෂවරයා ලෙස පත්කෙරුණු ජනක් නන්දන මහතා එම තනතුරේ රැඳී සිටියදී අපරාධ රැසක් අනාවරණය කර ගැනීමට හා මත්ද්‍රව්‍ය තොග රැසක් අත්අඩංගුවට ගැනීම සඳහා අපරාධ කොට්ඨාසයේ නිලධාරීහු මෙහෙය වූහ.

එමෙන්ම රටපුරා මහත් ආන්දෝලනයක් ඇති කළ සංවිධානාත්මක අපරාධ කල්ලි නායකයකු වූ මාකඳුරේ මධුෂ් පොලිසිය හා පාතාල කල්ලි සාමාජිකයන් අතර ඇති වූ වෙඩි හුවමාරුවකදී මරණයට පත්වූයේද මොහු කොළඹ අපරාධ කොට්ඨාසයේ අධ්‍යක්ෂවරයා ලෙස රාජකාරියේ යෙදී සිටියදීය.

මෑතකදී කතරගම රුහුණු මහා දේවාලයෙන් අස්ථාන ගතවූ රන්තැටිය සම්බන්ධයෙන්ද මොහුගේ අධීක්ෂණය යටතේ විමර්ශන සිදුවිය.

මේ පිළිබඳ විමසීමේදී පොලිස් මූලස්ථානය සඳහන් කළේ ජේ‍යෂ්ඨ පොලිස් අධිකාරිවරයාගේ ස්ථාන මාරුව සම්බන්ධයෙන් කිසිවක් මේ වනතුරු නොදන්නා බවය.

ඒ මහතාගෙන් හිස් වූ කොළඹ අපරාධ කොට්ඨාසයේ අධ්‍යක්ෂ තනතුරට මේ වනතුරු කිසිදු නිලධාරියෙක් පත්කර 

නොමැත.

එළැඹෙන ජනවාරි 12 වැනිදාට පෙර කැබිනට් මණ්ඩලයේ ඇමැතිවරුන්ගේ සැලකිය යුතු වෙනසක් සිදුවීමට නියමිත බව ආණ්ඩුවේ ආරංචි මාර්ග පවසයි.

දැනට සිටින ජේ‍යෂ්ඨ ඇමැතිවරුන් කිහිපදෙනකුගේ විෂය පථවල වෙනසක්ද සිදුවනු ඇති බවත් රාජ්‍ය හා නියෝජ්‍ය ඇමැතිවරුන් කිහිපදෙනකුට දැනට දරන තනතුරුවලට වඩා වැඩි වගකීමක් පැවැරීමට යන බවත් වාර්තා වේ.

මේ අතර බැසිල් රාජපක්ෂ මහතාට පාර්ලිමේන්තුවේ මන්ත්‍රිවරයකු ලෙස දිවුරුම් දීමට ජාතික ලැයිස්තු මන්ත්‍රි ධුරයෙන් ඉල්ලා අස්වූ ජයන්ත කැටගොඩ මහතාට රාජ්‍ය ඇමැති ධුරයක් ලැබෙන්නට යන බවටද තොරතුරු වාර්තා වේ. එම තොරතුරුවලට අනුව ඔහුට ලැබෙන්නට යන්නේ ක්‍රීඩා, තරුණ කටයුතු හා සංස්කෘතික රාජ්‍ය ඇමැති ධුරය බවද වැඩිදුරටත් දැනගන්නට ඇත.

කැටගොඩ මහතා 2000 වසරේදී පාර්ලිමේන්තු මන්ත්‍රිවරයකු ලෙස තේරී පත්වූයේ එක්සත් ජාතික පක්ෂයෙනි. වාර්තමාන රජය යටතේ ඔහු නැවත පාර්ලිමේන්තුවට පත්වූයේ ශ්‍රී  ලංකා පොදුජන පෙරමුණේ ජාතික ලැයිස්තු මන්ත්‍රිවරයකු ලෙසයි. 

ජීවන වියදම ඉහළ යාම සහ ආනයන සීමා කිරීම හේතුවෙන් ශ්‍රී ලංකාවේ ජනතාවට එදිනෙදා කෑමවේල සපයාගත ‌නොහැකි තත්ත්වයට පත්ව ඇති බවත්, ආහාර මිල ගණන් ශීඝ්‍රයෙන් ඉහළ ගොස් ඇති බවත් BBC ලෝක ප්‍රවෘත්ති සේවය වාර්තා කොට ඇත.

එම වීඩියෝව ‌පහත පළවේ.

https://www.facebook.com/watch/?v=290929966340127

ආණ්ඩුව ඇතුළේ ඉදගෙන ආණ්ඩුව විවේඡනය කරන අය සිටී නම් ආණ්ඩුවෙන් එළියට ගොස් විපක්ෂයේ ඉදගෙන විපක්ෂයේ කාර්යබාරය කරන ලෙසත් එසේ නොමැති නම් ඒ අය ආණ්ඩුවෙන් ඉවත් කිරීමට තමාට සිදුවෙන බව ජනාධිපති ගෝඨාබය රාජපක්ෂ මහතා අද පැවති කැබිනට් මණ්ඩල රැස්වීමේදි ඇමැතිවරුන් හමුවේ බරපතල ප්‍රකාශයක් සිදු කර ඇත.

කැබිනට් මණ්ඩල රැස්වීම ආරම්භයේදී අංක 49 කැබිනට් පත්‍රිකාව අතට ගත් ජනාධිපතිවරයා රජය විසින් තව ස්වල්ප වේලාවකින් ප්‍රකාශයට පත්කිරීමට නියමිත විශේෂ සහන මල්ල ඇතුලත් මුදල් ඇමැතිවරයාගේ කැබිනට් පත්‍රිකාව කියවන ලදි.

ඉන්පසුව ඇමැතිවරුන් ඇමතූ ජනාධිපතිවරයා කියා සිටියේ ඉතාම අසීරු තත්ත්වයකදී වූවද ජනතාව සදහා මෙවැනි සහන මල්ලක් දීමට රජය විසින් තීන්දු කර ඇති අවස්ථාවකදී ඒ පිළිබද ජනතාව තුළ මතයක් හදනවා වෙනුවට ආණ්ඩුවේ ඇතුලේ සිට ආණ්ඩුවම විවේඡනය කිරීම තවදුරටත් බලා සිටීමට නොහැකි බවත් එසේ විවේඡනය කරන අය සිටී නම් විපක්ෂයේ අසුන් ගත හැකි බවත්ය.

තමාට විරුද්ධව පනස්ලක්ෂයක ඡන්දය ප්‍රමාණයක් ප්‍රකාශකර තිබෙන බවත් ඒ අය සමග එකතු වීම ගැන තමාගේ කිසිම කනගාටුවක් නොවන බවත් ජනාධිපතිවරයා තව දුරටත් අවදාරණය කර සිටියේය.

ජනාධිපතිවරයා දැඩි ස්වරූපයකින් එම ප්‍රකාශය සිදු කරන අවස්ථාවේදී පහුගිය දිනවල කැබිනට් මණ්ඩලයට එරෙහිව අධිකරණයට ගිය විමල්,උදය,වාසු යන කැබිනට් ඇමැතිවරුන් නිහඬව සිටීමද විශේෂත්වයකි.

මෙම කැබිනට් මණ්ඩල රැස්වීම 2022 අවුරුද්දේ ප්‍රථම කැබිනට් මණ්ඩල රැස්වීමද වීම තවත් විශේෂත්වයකි.

පාකිස්ථානයේදී අමානුෂික අන්දමින් ඝාතනයට ලක්වූ ප‍්‍රියන්ත කුමාර මහතාගේ බිරිඳට හා දරුවන්ට විදේශ සේවා නියුක්ති කාර්යාංශයේ කම්කරු සුභ සාධන අරමුදලින් ලබාදෙන ලක්ෂ 25 ක් අද ලබා දුන්නේය.

පාකිස්ථානයේදී අමානුෂික අන්දමින් ඝාතනයට ලක්වන අවස්ථාව වනවිට ප‍්‍රියන්ත කුමාර මහතා එරට පෞද්ගලික ආයතනයක සාමාන්‍යධිකාරීවරයා ලෙස කටයුතු කළේය.

ශ්‍රී ලංකා විදේශ සේවා නියුක්ති කාර්යංශයේ ලියාපදිංචිය සේවය ගොස් සිටි විගමණික සේවකයකු වන ප‍්‍රියන්ත කුමාර මහතාගේ මරණය නිසා ඔහුගේ බිරිය හා දරුවන් දෙදෙනා මුහුණ පා සිටින තත්ත්වය සළකා බැලූ ශ‍්‍රී ලංකා විදේශ සේවා නියුක්ති කාර්යංශය එහි කම්කරු සුභ සාධන අරමුදලින් ඔහුට ලක්ෂ විසිපහක මුදලක් ලබා දීමට තීරණය කළ අතර එය කම්කරු අමාත්‍ය නිමල් සිරිපාල ද සිල්වා, විදේශ රැකියා ප‍්‍රවර්ධන හා වෙළඳපොල විවිධාංගිකරණ රාජ්‍ය අමාත්‍ය පියංකර ජයරත්න යන මහත්වරුන් විසින් කාර්යංශයේ ප‍්‍රධාන කාර්යාලයේ දී එම චෙක්පත  භාර දුන්නේය.

මෙම අවස්ථාවට රාජ්‍ය අමාත්‍යංශයේ ලේකම් රෝහණ පුෂ්පකුමාර, කාර්යාංශයේ සභාපති මේජර් ජනරාල් මහින්ද හතුරුසිංහ, සාමාන්‍යධිකාරී ඞී. ඞී. පී.සේනානායක යන මහත්වරුන් එක්වී සිටියහ.

කාබනික පොහොර වගා ප්‍රතිපත්තිය හේතුකොටගෙන වගා හානි වූ සියලුම ගොවීන්ට වන්දි ගෙවන්නට ආණ්ඩුව කටයුතු නොකළොත් අනිවාර්යයෙන්ම මෙම කාබනික තීන්දුව ගත් ජනාධිපති  ගෝඨාභය රාජපක්ෂගේ හා කෘෂිකර්ම ඇමැතිවරුන්ගේ නිවාස වටලන මෙහෙයුමක් ක්‍රියාත්මක කරන බව සමස්ත ලංකා ගොවිජන සම්මේලනයේ ජාතික සංවිධායක නාමල් කරුණාරත්න අවධාරණය කළේය. 

කුපිත වී සිටින ජනතාව අවුළුවන්නේ යැයි කියමින්  ජවිපෙ දෙසට ඇඟිලි දිගු කිරීම නොකර ජනතාවගේ තත්ත්වය තේරුම් ගත යුතු බව ඔහු පැවැසීය.

මහින්දානන්ද අලුත්ගමගේ කෘෂිකර්ම ඇමැතිවරයා පසුගියදා පැවැසුවේ ආණ්ඩුව දුන් කාබනික පොහොර නොගත් අයට වන්දි නොගෙවන බවයි. ඊට තම සංගමය තදින්ම විරුද්ධ බවත් සියලුම ගොවීන්ට හානි වූ ඒ ඒ වගාවන්ට අදාළ වන්දිය ගෙවිය යුතු බවත් ඔහු අවධාරණය කළේය.

කාබනික වගාවට යද්දී ආණ්ඩුව ප්‍රකාශ කළේ ගොවියාට යම් පාඩුවක් සිදුවුණොත් ඔවුන්ට වන්දි ගෙවන බව වුවත් අද වනවිට එම ප්‍රකාශය ප්‍රායෝගිකව ඉටු කිරීමට ආණ්ඩුව මඟහරින බවත් කරුණාරත්න මහතා කීවේය.

 විශේෂයෙන්ම කාබනික පොහොර සකසා ගන්නා  අයට රුපියල් 5,000ක් ලබාදෙන බවත් එසේ නොකළ අයට රජයෙන් පොහොර සහනාධාර ලබාදෙන බවත් ආණ්ඩුව ප්‍රකාශ කර තිබිණි. එමෙන්ම කාබනික වගා තීන්දුව හීනෙන් බයවී ගත් තීන්දුවක් නොව එය යම් සැලැස්මක් ඇතුව ගත් තීන්දුවක් බව ජනාධිපතිවරයා ඇතුළු කෘෂිකර්ම ඇමැති පුන පුනා ප්‍රකාශ කළ අයුරු සිහිපත් කළ ඒ මහතා මෙය සම්පූර්ණයෙන් වැරැදි තීන්දුවක් බව කියා එය හකුළා ගැනීමට ආණ්ඩුවට සිදු වූ අතර එමඟින් වගා හානි වූ සියලුම ගොවීන්ට වන්දි නොගෙවා සිටීමට ආණ්ඩුවට නොහැකි බව පෙන්වා දුන්නේය. එම නිසා ඉන් හානියට පත් සියලුදෙනාට වන්දි ගෙවිය යුතු බව ඔහු වැඩිදුරටත් පැවැසීය.

ඩොලර් හිඟය හේතුකොටගෙන ඩීසල් මිලදී ගැනීමට නොහැකි වීමෙන් සපුගස්කන්ද තාප විදුලි බලාගාරය වසා දමා ඇතැයිද නුදුරේදීම එහි ප්‍රතිඵලයක් ලෙස විදුලි කප්පාදුවකට මුහුණදීමට ජනතාවට සිදුවනු ඇතැයිද සමස්ත ලංකා විදුලි සේවක සංගමයේ ප්‍රධාන ලේකම් රංජන් ජයලාල් මහතා පැවැසීය.

ඩොලර් හිඟය මත ගල්අඟුරු හා තෙල් මිලදී ගැනීමට නොහැකිවීම මීට ප්‍රධාන හේතුව බවත් ඊයේ (03දා) සපුගස්කන්ද තෙල් පිරිපහදුව හා සපුගස්කන්ද තාප විදුලි බලාගාරයද වසා දමා ඇති බවත් ඊට අවශ්‍ය ඩීසල් ලබාගන්නේ තෙල් සංස්ථාවෙන් වුවත් ඩොලර් හිඟය නිසා සංස්ථාවෙන් තෙල් ලබානොදෙන හේතුව මත මෙම තත්ත්වය බරපතළ වී ඇති බවත් ඔහු පැවැසීය.

 පහුගිය දිනවල පැවැති අධික වර්ෂාව ආධාරයෙන්් විදුලිය සැපැයුවත් ජලාශවල රොන්මඩ පිරී ඉතිරී ඇති බැවින් තවත් ගැටලුවක් ඉස්මතු වී ඇති බවත් ඒ මහතා පෙන්වා දුන්නේය.

කෙසේ නමුත් නොරොච්චෝලයේ මෙගාවොට් 300ක ධාරිතාවක ඇති බලාගාර තුනක් තිබුණත් ඩොලර් ප්‍රශ්නය මත ඒ පිළිබඳවද විශ්වාසය තබා ගත නොහැකි බවද ජයලාල් මහතා වැඩිදුරටත් පැවැසීය.

අමාත්‍යාංශ කිහිපයක අමාත්‍යවරුන් වෙනස් කිරීම අනිවාර්යයෙන්ම සිදුවිය යුත්තක් යැයි රාජ්‍ය ඇමැති දිලුම් අමුණුගම පැවැසීය.

මහනුවරදී 03 වැනි දින මාධ්‍ය හමුවේ අදහස් පළ කළ ඒ මහතා වර්තමානයේ අමාත්‍යාංශ කිහිපයක කටයුතු සිදුවන ආකාරය පිළිබඳව කිසිවකුගේ හෝ පැහැදීමක් නොමැති යැයි පැවැසීය. 

රාජ්‍ය අමාත්‍යවරයා එහිදී මෙසේද කීය. “අද ඇතැම් අමාත්‍යාංශවල කිසිදු කටයුත්තක වගකීමක් ගන්න කෙනෙක් නෑ. මේ අමාත්‍යාංශවල යම්කිසි වැරැද්දක් වුණොත් ඒවා පිළිගන්න හරි ප්‍රතික්ෂේප කරන්න හරි නිසි වගකිවයුත්තෙක් නෑ. මේ අමාත්‍යාංශ අනිවාර්යයෙන්ම සංශෝධනය විය යුතුයි කියලා අපි හිතනවා. ඒ සම්බන්ධයෙන් ජනාධිපතිවරයා කටයුතු කරාවි.” 

“විපක්ෂය කියලා තියෙනවා ඔළුගෙඩි මාරු කරලා විතරක් හරියන්නෙ නෑ. ආණ්ඩුව මාරු කරන්න ඕනේ කියලා. ඒකට නම් ඒ අයට තව අවුරුදු දෙකක්වත් බලාගෙන ඉන්න වෙනවා. එයාලා කියන හෝ හිතන විදිහට මේ ආණ්ඩුව අයින් කරන්න කාටවත් ලැබෙන්නේ නෑ. හැබැයි අපිට සැකයක් තියෙනවා හෙට අනිද්දට විපක්ෂ නායක තනතුරේ ඔළු ගෙඩිය මාරු වෙයි කියලා. ඒක මාරු කරන්න  නම් පිරිසක් බලාගෙන ඉන්නවා.” යනුවෙන්ද හෙතෙම පැවැසීය.

චීනය ලෝක බලවතා වීමට මෙරට ජනතාවගේ  ජීවිතද පරදුවට තබන තත්ත්වයක් වර්තමානයේ ශ්‍රී  ලංකා චීන සබඳතාවල හැසිරීම සැලකිල්ලට ගැනීමේදී පෙනී යන බව පාර්ලිමේන්තු මන්ත්‍රි ආචාර්ය විජයදාස රාජපක්ෂ චීන ජනාධිපති ෂී ජින් පින් වෙත ඊයේ (03දා) ලිපියක් යොමුකරමින් සඳහන් කර ඇත.

ශ්‍රී  ලංකාව සහ චීන ජනරජය අතර අනේ‍යාන්‍ය සහයෝගිතාව වර්ධනය කර ගැනීම සහ  විශ්වසනීයත්වය සාධනීය ලෙස ගොඩනැංවීම  සම්බන්ධයෙන් කරුණු 45ක් සහිතව තත්ත්වය පැහැදිලි කරමින් චීන ජනාධිපතිවරයාට ලිපියක් යොමු කරමින් විජයදාස රාජපක්ෂ මහතා මෙසේ සඳහන් කර ඇත.

චීනය ලෝකයේ අනෙකුත් බලගතු රටවල් සමඟ ගැටෙමින් ලෝක බලවතා වීමේ අභිලාෂයෙන් ගෙනයන අරගලය තුළින් මෙම කලාපයේ මෙන්ම ලෝක සාමය බිඳවැටෙමින් පවතින තත්ත්වයක් මතුව ඇතැයිද එහි පළමු වින්දිතයන් ලෙස ශ්‍රී  ලංකා ජනතාව පත්ව ඇති බවත් විජයදාස රාජපක්ෂ මහතා සඳහන් කර තිබේ.

ශ්‍රී  ලංකා චීන සබඳතා චීනය ලෝක බලවතා වීමට  යන ගමන වෙනුවෙන් යොදාගෙන තිබීමක් පෙන්නුම් කරන බවත් එය කනගාටුවට කරුණක් බවත් විජයදාස රාජපක්ෂ මන්ත්‍රිවරයා එහි තවදුරටත් සඳහන් කර තිබේ.

විජයදාස රාජපක්ෂ මන්ත්‍රිවරයා විසින් කරුණු 45ක් සහිතව වර්තමාන ශ්‍රී  ලංකා චීන සබඳතා හේතුවෙන් ශ්‍රී  ලංකාවේ මතුව ඇති ගැටලු පිළිබඳව ඉදිරිපත් කළ ලිපියේ පහත සඳහන් කරුණුද ඇතුළත් වේ.

චීනය විසින් ‘සෙලන් දිවා’ සමාගම හරහා යම්  දේපළක් ලබාගතහොත් එය මුල පටන් අවලංගු කරන බව මතක තබාගන්න. එවැනි අවලංගු කිරීමකදී කිසිදු ගෙවීමක් නොකරනු ලබන බව සිහි තබාගත යුතුය.

2005 නොවැම්බර් මස මහින්ද රාජපක්ෂ  ජනාධිපතිවරයා බලයට පත්වීමෙන් පසු එකී ව්‍යාපෘතිය තරමක් කල් අදිමින් පැවැති පසුව එකී වරාය ඉදිකිරීමේ කටයුතු ඇමෙරිකන් ඩොලර් මිලියන 580කට නිම කරන බවට එකඟතාවක් ඇති විය. නමුත් මෙරට රාජ්‍ය පාලකයන් ඊට ඇමෙරිකන් ඩොලර් මිලියන 1,285ක් ගෙවා ඇති බව දක්වා ඇත.

ලෝකයේ වෙනත් රටවලින් හෝ ණය දෙන ආයතනවලින් අප ණය ලබාගෙන තිබුණේ වාර්ෂිකව 0.01% සිට 0.1% දක්වා වූ පොලී අනුපාතයක් යටතේ නමුත් ප්‍රථම වතාවට එය 6% ඉක්මවන වාණිජ පොලී අනුපාතයක් මත ණය ලබාගනිමින් මහින්ද රාජපක්ෂ ජනාධිපතිවරයා සිදුකළේ ඉතාමත් නිර්ලජ්ජිත ක්‍රියාවක් බව සඳහන් කළ යුතුය.

අප රටේ ඉතිහාසය තුළ සිදුවූ ලොකුම වංචනික සහ දූෂිතම ගනුදෙනුව ලෙස සැලකෙනුයේ එම ගනුදෙනුවයි.

චීන රජයේ සම්බන්ධතාව ඇතිව ඉහත කී ගනුදෙනුවට අමතරව පහත සඳහන් ගනුදෙනුද චීන සමාගම සමඟ ඇති කරගන්නා ලදී.

කොළඹ වරායේ දකුණු පර්යන්තය, නොරොච්චෝලේ ගල් අඟුරු බලාගාරය, මත්තල ජාත්‍යන්තර ගුවන් තොටුපොළ, කොළඹ නෙලුම් කුලුන, කොළඹ නෙලුම් පොකුණ රඟහල, සූරියවැව ජාත්‍යන්තර ක්‍රිකට් ක්‍රීඩාංගණය, හම්බන්තොට ජාත්‍යන්තර සම්මන්ත්‍රණ ශාලාව.

ඉහත කී ව්‍යාපෘති සඳහා ඔබගේ ආණ්ඩුව සහ සමාගම ඍජු ලෙස හෝ චක්‍ර ලෙස අධික පොලියට 2015ට පෙර ණය ලබාදුන් ව්‍යාපෘති අතරින් ප්‍රයෝජනයක් ඇති ව්‍යාපෘතියක් වූයේ නොරොච්චෝලේ විදුලි බලාගාරය පමණක් වන අතර අන් සියලු ව්‍යාපෘති නිරපරාදේ සිදුකළ නාස්ති කිරීම් පමණක් බවක්, එකී ණය ලබාදීම තුළින් ඔබ ශ්‍රී  ලංකාව ණය උගුලක සිරකොට තබාගෙන ඔබ රටට අවශ්‍ය පරිදි ශ්‍රී  ලංකාවේ ආර්ථිකය හැසිරවීමට කටයුතු කළ බවත් එමඟින් ඔබේ රට ලෝක බලවතා වීමට යන ගමනේ ශ්‍රී  ලංකාව එක් යුද පිටියක් බවට පත්කර ගැනීම ඔබගේ අරමුණ වී ඇති බවත් සක්සුදක් සේ පැහැදිලිය.

හම්බන්තොට වරාය සම්බන්ධයෙන් ‘සහනදායක හවුල් ව්‍යාපාර ගිවිසුම්’ වශයෙන් ඇති කරගත් චීනයට පමණක් සහනදායි වූ ගිවිසුම් දෙක අවලංගු කරගැනීම සඳහා ශේ‍ර්ෂ්ඨාධිකරණයට මූලික අයිතිවාසිකම් උල්ලංඝනය කිරීම් නඩු තුනක් ඉදිරිපත් කර ඇති අතර තවමත් එම නඩු අධිකරණයේ පවතී.

අපගේ පාලකයන් අනුවණ ලෙස සහ අනාගත දැක්මක් නොමැතිව ඔබගේ රටට අසීමිත ලෙස ලබාදී ඇති ආධිපත්‍ය සහ වරප්‍රසාද හේතුවෙන් මෙරට විදුලි ජනනය සහ බෙදා හැරීම සම්බන්ධව පූර්ණ බලය ඇමෙරිකාවට ලබාගැනීම සඳහා මේ වනවිටත් අඥාන පාලකයන් ගිවිසුම්ගත වී ඇත.

පසුගිය ශත වර්ෂය තුළ අප රට විසින් අත්විඳ නොමැති ආකාරයේ ඉතා බරපතළ සහ කනගාටුදායක තත්ත්වයකට අප පත්ව ඇත්තේ අප රටේ පාලකයන් විසින් දූෂිත සහ දේශද්‍රෝහී ලෙස ඉහත කී වංචනික ගනුදෙනුවලට ඇතුළත් වීම නිසාය.

ඔබගේ රටින් අප රටට පොහොර නැවක් වශයෙන් එවන ලද කිසිදු ප්‍රමිතියකින් තොර අපද්‍රව්‍ය සහිත නෞකාව සඳහා මුදල් ගෙවන ලෙස බල කිරීම සහ රාජ්‍ය බැංකුවක් වන මහජන බැංකුව චීනය තුළ අසාදු ලේඛනයට ඇතුළත් කිරීම මඟින් ඔබ කොතරම් කෘෘර සහ අමානුෂික ද යන කාරණය මුළු ලොවටම විදහා පෑ බව ඔබටද තේරුම් යනු ඇතැයි විශ්වාස කරමි. 

ඔබගේ රටින් වාණිජ අධි පොලී අනුපාත යටතේ ණයට ගන්නා ලද මුදල් ඇමෙරිකානු ඩොලර් මිලියන 104ක් (රුපියල් බිලියන 26) යොදාගෙන ඉදිකරන ලද නෙලුම් කුලුන නුදුරේදී ඔබ ලෝක බලය අල්ලා ගැනීමට යන ගමනේදී තොරතුරු හුවමාරු සහ  ඔත්තු බැලීම් කටයුතු සඳහා භාවිත කිරීමේ යටි අරමුණින් ශ්‍රී  ලංකාවේ පාලකයන්ව සූක්ෂ්ම ලෙස රවටා ඉදිකරවාගෙන ඇති බවට ලෝක ප්‍රජාව සහ ශ්‍රී  ලාංකේය ජනතාව තුළ සාධාරණ සැකයක් ඇතිවී ඇත. එකී කුලුන මේ දක්වාම කිසිදු කාර්යයක් සඳහා ආණ්ඩුව විසින් යොදා නොගැනීම හේතුවෙන් එම සැකය බිඳහෙළිය නොහැකි සේ තහවුරු වී ඇති බව පැහැදිලිය.

මීළඟට ශ්‍රී  ලංකාවේ පවත්වනු ලබන ජාතික මැතිවරණය ජනාධිපතිවරණය වුවත් පාර්ලිමේන්තු මැතිවරණය වුවත් එය පවත්වනු ලබන්නේ ජනමත විචාරණයක් සමඟ බවත් ශ්‍රී  ලංකාවට අගතිදායක ලෙස හෝ අවාසිදායක ලෙස ඇති සියලු ගිවිසුම්/කොන්ත්‍රාත් ප්‍රතිව්‍යුහගත කිරීමට හෝ අවලංගු කිරීමට ජනතාවගෙන් බලය අයදින බවත් සැලකිල්ලට ගනු මැනව.

එහෙත් වංචා, දූෂණ, කොමිස් මත ඔබ ලබාගෙන ඇති සම්පත් හෝ ගිවිසුම් අවලංගු කරනු ලබන අතර ඒවා සම්බන්ධව අප කිසිදු වගකීමක් නොදරනු ලැබේ. යම්කිසි ප්‍රතිව්‍යුහගත කිරීමක් කරනු ලබන්නේ නම් ඒවායේ කාලය ආරම්භක දිනයේ සිට වසර 15 නොඉක්මවනු ඇත.

සිරගත කර සිටි සෞදි කුමරිය නිදහස් කරයි !
106 Views
මෝදි පාලමක හිරවෙයි !
100 Views
ඉන්දියානු ජාතික ගුවන් සේවය විකුණා දමයි....
269 Views
ලංකාවේ මිනිස්සු රජකාලේ ගෙවන ලද බදු සහ දඩ
213 Views
සැබවින්ම එල්ලංගාවක් යනු කුමක්ද? ලොවේ එකම වැව් ශිෂ්ටාචාරය: ශ්‍රී ලංකාව - ශෙවාන් ඩැනියෙල් විසිනි
358 Views
දිවියට සුවය සහ සවිය ගෙනෙන ප්‍රෝටීන් බලය
258 Views
කොවිඩ් රෝගීන්ට වැලඳෙන කළුපුස් රෝගය ගැන අනතුරු ඇඟවෙයි.
175 Views
සෑම පවුලකටම ආයුර්වේද මංඡුසාවක්
217 Views
ලැම්ඩා (Lambda) ගැන දැනුවත් ද?
273 Views
කළුදුරු තෙල්වල ප‍්‍රතිශක්තිය වඩන ප‍්‍රබල හැකියාවක් ඇත... ආයුර්වේද වෛද්‍ය, මහාචාර්ය එම්. එච්. ඒ. තිසේරා
283 Views
අද ලොකු සාදයක් !
162 Views
කිං ඛාන්ගේ පුතා රජගේමකදී පොලීසියට මාට්ටු..
196 Views
තිසර පෙරේරා ඇමරිකාවට යාමට සූදානමක්
199 Views
ඉතිහාසයේ පළමුවරට සිංහල ගීතයක විකාශන අයිතිය ඉන්දියානු සමාගමක් ලබාගනී..
363 Views
මාලිංග නැවතත් ශ්‍රී ලංකා ක්‍රිකට් පිටියට..
226 Views
රාගම සුප්‍රසිද්ධ ගුරෙක් ලඟ කාලිපූජා තැබූ ජනප්‍රිය ක්‍රිකට් ක්‍රීඩකයන් දෙපල කවුද ?
299 Views
කාන්තාවක් දැරණියගල සභාපතිගේ නාසය කපලා
282 Views
පහන්තුඩාව ඇල්ලේ ලිංගිකව හැසිරුන යුවලට ඇප
1,699 Views
නවතම අයිෆෝන් 13 මාදිලිය සඳහා චන්ද්‍රිකා තාක්ෂණය ?
422 Views
සුපිරි පාපන්දු ක්‍රීඩක රොනාල්ඩෝගේ සරාගී බිරිඳ ජෝජිනා
378 Views
හිට් ගොසිප්
චන්දිමාල් ජයසිංහ හා පියුමි හංසමාලි අත්අඩංගුවට
5,519 Views
හෙට මධ්‍යම රාත්‍රියේ සිට රටටම ඇඳිරිනීතිය ???
4,083 Views
ලාංකාවේ කොවිඩ් මර්ධනය සදහා භාවිතා කරන එන්නත් ගැන ඔබ නොදත් දේ
3,073 Views
ලබන සතියේ නැවතත් 5000 දීමනාව
1,769 Views
පහන්තුඩාව ඇල්ලේ ලිංගිකව හැසිරුන යුවලට ඇප
1,699 Views