“රට වටේ ගිහින් එනවිට අපෙත් ස්වීප් එක ඇදෙයිද දන්නෙ නෑ.” යැයි ශ්‍රී ලංකා නිදහස් පක්‍ෂයේ සභාපති, හිටපු ජනාධිපති මෛත්‍රීපාල සිරිසේන මහතා පැවසීය.

සුසිල් ප්‍රේමජයන්ත මහතා ද පොලේ ගොස් ස්වීප් එකක් ගත්විට පැය 24කින් ඇදුණා යැයි කී හිටපු ජනාධිපතිවරයා “අපිත් මේ සේරටම ලෑස්තියි” යැයි ද සඳහන් කළේය.

එවක තම ආණ්ඩුව දැඩි ලෙස විවේචනය කළ අය වත්මන් ආණ්ඩුවේ තත්වය පිළිබඳ සත්‍යය පෙන්වා දෙන විට තමන්ට දොස් පවරන බව ද මෛත්‍රීපාල සිරිසේන මහතා කීවේය.

හිටපු ජනාධිපතිවරයා මේ බව පැවසුවේ අද (7) පැවති ශ්‍රී ලංකා නිදහස් පක්‍ෂ කුරුණෑගල දිස්ත්‍රික් සමුළුවට එක්වෙමිනි.

වර්තමානය බණ්ඩාරනායක මැතිනියගේ කාලය වගේ යැයි කියමින් ඇගේ ආර්ථික වැඩපිළිවෙලට අදත් දොස් කියන අය සිටින නමුත් එතුමිය ගොවියන්ගෙන් හෝ නිවෙස්වල ගෑස් ලිප පත්තු කරන්න යන කාන්තාවන්ගෙන් කුණුහරප ඇසුවේ නැතැයි ද හිටපු ජනාධිපතිවරයා මෙහිදී පැවසීය.

පසුගිය දිනවල තමන් කළ කතා ඇසූ ඇතැමුන් ‘තමුසෙත් ආණ්ඩු කළා නේදැයි’ සමාජ මාධ්‍ය ඔස්සේ ප්‍රශ්න කර තිබූ බව කී හිටපු ජනාධිපතිවරයා කවුරුන් කෙසේ කීවත් 1948න් පසු පත්වූ ආණ්ඩු අතරේ වෙනස්ම ආණ්ඩුව තමන්ගේ ආණ්ඩුව යැයි ද සඳහන් කළේය.

එදා ප්‍රධාන දේශපාලන පක්‍ෂ දෙක එක්ව ආණ්ඩු කරද්දී තමාට විවේචන, නින්දා අපහාස කළ අය අද තමන් රටේ තත්වය පැහැදිලි කරන විට ‘ඇයි මේ ගහන්නේ’ කියා අහනවා යැයි ද හිටපු ජනාධිපතිවරයා පැවසීය.

වත්මන් ආණ්ඩුව කරන අය තමන්ගේ ආණ්ඩුවට මීට වඩා අපහාස විවේචන කළ බව කී සිරිසේන මහතා එදා පිරිසිඳු ආණ්ඩු හදන්න කතා කරපු අය වර්තමානයේ ආණ්ඩු කරන්නේ කොහොමද කියා මෙන්ම එදා තමාට අපහාස කළ අය අද මොන තරම් අපහාසයට විවේචනයට ලක්වෙලාදැයි කවුරුත් දන්නා බව ද කීවේය.

උදය ගම්මන්පිල අමාත්‍යවරයා ඉන්දියාවට අවුරුදු 50කට විකුණන ලද්දේ ඉන්දියානු සාගරයේ කේන්ද්‍රස්ථානයක පිහිටි ත්‍රිකුණාමල වරායට පිවිසෙන ස්ථානයේ තිබෙන තෙල් ටැංකි 14 බව පාර්ලිමේන්තු මන්ත්‍රී තිස්ස අත්තනායක මහතා හෙළිදරව් කරනවා.

එම තෙල් ටැංකි 14 ත්‍රිකුණාමල තෙල් ටැංකි සංකීර්ණයේ තිබෙන වැදගත්ම කොටස බව පෙන්වා දෙන මන්ත්‍රීවරයා මෙම ගනුදෙනුව හරහා ඉන්දියාව ගොඩබිම ආක්‍රමණයක් කර ඇති බව සඳහන් කරනවා.

ඉන්දියාවේ යටි අරමුණ

සමගි ජන බලවේගය ජාතික සංවිධායකවරයාද වන ඔහු තව දුරටත් සඳහන් කරන්නේ මෙම ගනුදෙනුව හරහා ඉන්දියාව අත්පත් කරගත්තේ තෙල් ටැංකි නොව ත්‍රිකුණාමලයේ පාලනය කිරීමේ බලය බවයි.

ඉන්දියාවේ සැබෑ අවශ්‍යතාවය ඔය තෙල් ටැංකි ගැනීම නොව ත්‍රිකුණාමලය වරාය පාලනය කිරීම සඳහා එම වරාය ළඟම පිහිටි බිමක් අත්පත් කර ගැනීම බවයි ජාතික සංවිධායකවරයා හෙළිදරව් කරන්නේ.

ඉන්දියාවට ලබා දුන් තෙල් ටැංකි 14 පිහිටා තිබෙන්නේ ත්‍රිකුණාමල වරායේ ජැටියට පිවිසෙන තැනම බව පෙන්වා දෙන අත්තනායක මහතා ඉන්දියාව මෙම ගිවිසුම හරහා අත්පත් කරගෙන තිබෙන්නේ ඒ බිම් කඩේ තිබෙන තෙල් ටැංකි බවද මන්ත්‍රීවරයා අනාවරණය කරනවා.

දකුණු ඉන්දියාව

ඉන්දියාවට අවශ්‍ය නම් තමන්ගේ රටේ අවශ්‍ය තරම් තෙල් ටැංකි සාදා ගැනීමට පුළුවන් බව පෙන්වා දෙන අත්තනායක මහතා උතුරට ආසන්න දකුණු ඉන්දියාවේ ඒ සඳහා අවශ්‍ය තරම් ඉඩකඩ තිබෙන බවත් සඳහන් කරනවා.

භාණුක රාජපක්ෂ ඇත්තටම ක්‍රිකට් වලින් විශ්‍රාම ගියාද යන පැනයට හිටපු ශ්‍රී ලංකා ක්‍රිකට් නායක සනත් ජයසූරිය විසින් පිලිතුරු ලබාදුන්නා. 

" ඇත්තටම භාණුකගේ ඉවත්වීම කණගාටුදායක එකක්. ඔහුගේ ප්‍රශ්ණය මුලින්ම යොමු කරන්නේ ක්‍රිකට් තේරීම් කමිටුව හරහා අරවින්ද අයියා ඉන්න ක්‍රිකට් තාක්ෂණික කමිටුවට. ඊට පස්සෙ සාකච්ඡා කරලා ක්‍රිකට් පාලක මණ්ඩලයට දන්වනවා. මොකද ඔවුන් පත්කරලා ඉන්නෙ ක්‍රිකට් පාලක මණ්ඩලයෙන් නිසා. භාණුක Retire උනේ නෑ ඔහු Resign උනේ. ක්‍රිකට් වලින් විශ්‍රාම යන්න තරම් වයසක් ඔහුට නෑ. අපට ඔහු ගැන බලාපොරොත්තුවක් තියාගන්න පුලුවන් Resign උන නිසා. " 

යැයි සනත් ජයසූරිය මහතා පවසා සිටියා. 

අමාත්‍ය මණ්ඩල සංශෝධන පිළිබඳව තමා කිසිවක් නොදන්නා නමුත් සියලු සංස්කාරයන් නැසෙනසුලු’ බව නම් දන්නේ යැයි කර්මාන්ත ඇමැති විමල් වීරවංශ පැවැසීය.

“දිනන රට පුබුදන කර්මාන්ත” යන තේමාව යටතේ නව ආයෝජන සඳහා කර්මාන්ත පුරයෙහි ඉඩම් ප්‍රදානය කිරීමේ බණ්ඩාරනායක අනුස්මරණ සම්මන්ත්‍රණ ශාලාවේ ඊයේ (06දා) පැවැති උත්සවයකට සහභාගි වෙමින් ඇමැතිවරයා මේ බව ප්‍රකාශ කළේය. 

ඉදිරියේ ඇතිවන අමාත්‍ය මණ්ඩල සංශෝධන පිළිබඳව මාධ්‍යවේදීන් නැඟූ ප්‍රශ්නවලට පිළිතුරු දෙමින් විමල් වීරවංශ මහතා මෙසේ පැවැසීය.

මාධ්‍යවේදීයා : අමාත්‍ය මණ්ඩල සංශෝධනයක් එනවා කියලා කියනවා. මොනවද ඒ ගැන දන්නේ?

ඇමැතිවරයා : මම නම් ඒ ගැන කිසිදෙයක් දන්නේ නැහැ.

මාධ්‍යවේදියා : ඔබතුමා මේ තනතුරේ තාම ඉන්න කැමැතිද?

ඇමැතිවරයා : සියලු සංස්කාරයෝ නැසෙනසුලුයි.

මාධ්‍යවේදියා : ඒ කියන්නේ ඔබතුමාට අමාත්‍ය ධුරය ගැන බලාපොරොත්තුවක් නැද්ද?

ඇමැතිවරයා : මම තාම අමාත්‍ය ධුරයේ ඉන්නවනේ.

මාධ්‍යවේදියා : ඔබතුමාත් චෝදනා නඟනවා, ඒත් ඔබතුමා තාම අමාත්‍ය ධුරයේ ඉන්නවා කියලත් කියනවා.

ඇමැතිවරයා : ඒකට මම කොහොමද උත්තර දෙන්නේ? මාත් මේ කල්පනා කරන්නේ  ඒක ගැන තමා.

මාධ්‍යවේදියා : 2022 මොන වගේ ක්‍රියාමාර්ග ආණ්ඩුවට ගන්න වෙයිද?

ඇමැතිවරයා : ඔයා හිතුවද මම සුමනදාස කියලා. මට දෛවඥයෙක් වගේ පලාපල කියන්නද කියන්නේ.

කිසිවකු රටට එරෙහිව නැඟී සිටිනවා නම් එය පරාජය කිරීමට හඬ නඟන සමගි ජන බලවේගය ආධාර මුදලකට හෝ වෙනත් කිසිදු වරදානයකට, වරප්‍රසාදයකට නතර කළ නොහැකි බව විපක්ෂ නායක සජිත් ප්‍රේමදාස පැවැසීය.

ඉතිහාසයේ කිසිම විපක්ෂයකට රටේ සංවර්ධනය වෙනුවෙන් විදේශීය ආධාර නොලැබුණු බවද විපක්ෂ නායකවරයා ඊයේ (6දා) සේරුවිල සමගි ජන බලවේගයේ ප්‍රධාන කාර්යාලයක් විවෘත කිරීමේ අවස්ථාවට සහභාගි වෙමින් පැවැසීය.

නූතනවාදී ගමනක යෙදෙන සමගි ජන බලවේගයට රටේ සංවර්ධන කටයුතු උදෙසා රාජ්‍යතාන්ත්‍රික වශයෙන් පවා විදේශ ආධාර ලැබෙන බව ඔහු කීය.  අසූචි නැවක් ඉදිරියේ මේ ආණ්ඩුව දණ ගැසූ බව නොබියව ප්‍රකාශ කරන බවත් එයින් ආණ්ඩුවේ දීන ස්වරූපය පිළිබිඹු වන බවත් විපක්ෂ නායකවරයා ප්‍රකාශ කළේය. සාම්ප්‍රදායික විපක්ෂය සිදුකළේ බලය ලබාගැනීම වෙනුවෙන් අරගල කිරීම පමණක් යැයි ද ඔහු කීය.

සමගි ජන බලවේගය, බලය ලබාගැනීම උදෙසා අරගල කරන අතර විපක්ෂයේ සිට සමාජ සංවර්ධන කටයුතු සිදුකරන බවද සජිත් ප්‍රේමදාස පැවැසීය.

“තිස්සකුට්ටිආරච්චි මන්ත්‍රිවරයා කරන්නේ ඉතාම බරපතළ ප්‍රකාශයක්. අපේ පස්සේ  බුද්ධි  අංශය යන්න ඕනෑ නෑ. අපි කියන්න තියෙන දේ එළිපිට කියනවා. ඉතිහාසයේ කවදාවත් අපි කුමන්ත්‍රණය කරපු මිනිස්සු නෙවෙයි. මෙතැන බරපතළ වෙන්නේ තිස්ස කුට්ටිආරච්චි මන්ත්‍රිවරයා වගේ කෙනකුට බුද්ධි අංශ තොරතුරු ගියේ කොහොමද? කියන එකයි. රජයේ ප්‍රධානීනුත් මේ ගැන අවධානය යොමු කරන්න ඕනෑ” යැයි හිටපු රාජ්‍ය අමාත්‍ය සුසිල් ප්‍රේම්ජයන්ත් මහතා කොළඹ අධිකරණ පරිශ්‍රයේදී මාධ්‍යවේදීන් හමුවේ ඊයේ (6දා) පැවැසීය. 

ශ්‍රී  ලංකා පොදුජන පෙරමුණේ පාර්ලිමේන්තු මන්ත්‍රි තිස්ස කුට්ටිආරච්චි මහතා කළ ප්‍රකාශයක් සම්බන්ධයෙන් මාධ්‍යවේදීන් නැඟූ ප්‍රශ්නයකට පිළිතුරු වශයෙන් හිටපු රාජ්‍ය ඇමැති සුසිල් ප්‍රේම්ජයන්ත් මෙසේ පැවැසීය.

හිටපු රාජ්‍ය ඇමැතිවරයා එහිදී මෙසේද කීය. 

ඒවා නොවිය යුතුයි. බුද්ධි අංශ තොරතුරක් ගැන පළමුවැනි වතාවට පාර්ලිමේන්තුවට ආව මන්ත්‍රිවරයෙක්, පාර්ලිමේන්තුවේ ස්ථාවර නියෝගවත් ආණ්ඩුක්‍රම ව්‍යවස්ථාවේ ප්‍රතිපාදනවත් රටේ දේශපාලනය ගැනවත් අපේ දේශපාලන ඉතිහාසය ගැනවත් නොදැන බුද්ධි අංශ තොරතුරක් මත මේක වෙනවා කියන එක බරපතළ කාරණයක්. මම දකින හැටියට නම් මම ඉල්ලීමක් කරනවා. ප්‍රධානීන්ගෙන් මේ කරපු ප්‍රකාශය පිළිබඳ වෙනම පරීක්ෂණයක් කරන්න කියලා කොහොමද මේ මන්ත්‍රිවරයකු ගැන බුද්ධි අංශ වාර්තා ලැබුණේ කියලා.”

එමෙන්ම උදය ගම්මන්පිල, වාසුදේව නානායක්කාර සහ විමල් වීරවංශ යන ඇමැතිවරුන්ද ආණ්ඩුව සම්බන්ධයෙන් දැඩි විවේචන එල්ල කළා. ඔවුන් මෙලෙස ඉවත් නොකිරීම සම්බන්ධයෙන්ද එහිදී මාධ්‍යවේදියෙකු විමසීමක් කළේය.

ප්‍රශ්නය :- ඔබතුමාට වඩා උදය ගම්මන්පිල මහතා, විමල් වීරවංශ මහතා වෙනම කණ්ඩායමක් ලෙස පෙනී සිටිමින් රජයට විරුද්ධව කටයුතු කළා. ඒ අය ඉවත් කළේ නෑ.

“මම දන්නේ නෑ ඒක. හැබැයි මං හිතනවා ඒ අය යම් ප්‍රතිපත්තිමය තීන්දුවක ඉඳලා තමයි පසුගිය මැතිවරණ දෙකේදී කටයුතු කළේ ජයග්‍රහණය වෙනුවෙන්. හැබැයි ඒ ප්‍රතිපත්තිවලින් බැහැර වෙනවා නම් අඩුම ගානේ රජය තුළ ඉඳගෙන හෝ ඒ ප්‍රතිපත්තියෙන් බැහැරවන බවට හඬක් නැඟිය යුතුයි කියන එකයි මගේ විශ්වාසය. ඒ නිසා එතුමන්ලාට වරදක් කියන්න  බෑ.”

ප්‍රශ්නය :-  ඔබතුමාලා ආණ්ඩුවේ ඉඳගෙන ඇත්ත කතා කළොත් කැබිනට් මණ්ඩලයේ සාමූහික වගකීම කඩ කළා කියනවා. ඒ කියන්නේ හොරකම් කළත්, වැරැද්දක් කළත්  කට පියාගෙන ඉන්න ඕනේ කියලාද?

“ඒක මං දන්නේ නෑ. ඒක ඒ  අයගෙන් අහන්න ඕනේ. අපිට එහෙම චෝදනා නැති නිසා තමයි මේ වගේ ඉරණමක් අත්වෙලා තියෙන්නේ. ඒක අපි සතුටින් භාර ගන්නවා. මොකද අපි දන්නවා මේ රටේ දේශපාලන පෙළගැස්ම කොහොමද වෙන්නේ කියලා අපිට පේනවා. රටත් ජනතාවත් බේරගෙන ඉන්න ඕනේ කාටත් දේශපාලනය කරන්න.”

වැලිකඩ බන්ධනාගාරය තුළ සිදු වූ කැරැල්ලකදී එහි රැඳවියන් පිරිසක් ඝාතනය කළ බවට චෝදනා ලබැ සිටින පොලිස් මත්ද්‍රව්‍ය නාශක කාර්යංශයේ පොලිස් පරීක්ෂක රංගජීව සහ මැගසින් බන්ධනාගාරයේ අධිකාරිවශයෙන් කටයුතු කළ එමිල් රන්ජන් මහතාට එරෙහි නඩු තීන්දුව ප්‍රකාශයට කිරීම ලබන 12 වැනි දා දක්වා කල් තැබීමට ත්‍රිපුද්ගල මහාධිකරණ විනිසුරු අද නියම කළේය.

එම නඩුවේ තීන්දුව ලියා අවසන් වුවත් එහි මුද්‍රණ දෝස සැකසීමට කාලයක් අවශ්‍ය හෙයින් තීන්දුව ප්‍රකාශයට පත් කිරීම කල්තැබීමට සිදුව ඇතැයි විනිසුරුවරු පෙන්වා දුන්හ.

මහාධිකරණ විනිසුරුවරුන්වන ගිහාන් කුලතුංග, මංජුල තිලකරත්න සහ මහේන් වීරමන් යන මහත්වරුන්ගෙන් සැදුම්ලත් මහාධිකරණ විනිසුරු මඩුල්ලක්  හමුවේ මෙම නඩුව විභාග කෙරිණි.

පාර්ලිමේන්තුවේ නව සැසිවාරය අරඹමින් ජනාධිපති ගෝඨාභය රාජපක්ෂ මහතා පවත්වන රාජාසන කතාව සම්බන්ධයෙන් සභාව කල් තබන අවස්ථාවේ විවාදයක් ලබා දෙන ලෙස හිටපු අග්‍රාමාත්‍ය සහ කොළඹ දිස්ත්‍රික් පත්කළ මන්ත්‍රී රනිල් වික්‍රමසිංහ මහතා (එජාප) කථානායක මහින්ද යාපා අබේවර්ධන මහතා වෙත ලිපියක් යවමින් ඉල්ලා තිබේ.

පාර්ලිමේන්තුවේ වැඩ  කටයුතු තීරණය කරන පක්ෂ නායක කමිටුව පාර්ලිමේන්තු වාර අවසානයත් සමඟ අහෝසි වී ඇති හෙයින් ඉහත කල් තැබීමේ විවාදය ජනවාරි 19, 20 හෝ 21 දින වලින් එකක දී පැවැත්වීම සුදුසු බවද රනිල් වික්‍රමසිංහ මහතා කතානායකවරයාට යැවූ ලිපියේ සඳහන් වේ.

ඉහත විවාදය සම්බන්ධයෙන් තමා ජනවාරි 3 වැනි දින සභානායක අධ්‍යාපන අමාත්‍ය දිනේෂ් ගුණවර්ධන මහතා සමඟ දුරකථනයෙන් කතා කළ බව කියන රනිල් වික්‍රමසිංහ මහතා ජනාධිපතිවරයාගේ රාජාසන කතාවට පසුව ඊට අදාළව මෙවැනි විවාදයක් පැවැත්වීම 1978 ව්‍යවස්ථාව ගෙන ඒමෙන් පසුව සම්ප්‍රදායක් ලෙස පැවත ගෙන එන බව ද සිහිපත් කරයි.

ගුරු - විදුහල්පති වැටුප් විෂමතාව ඉවත් කිරීමට අදාළ චක්‍රලේඛය නිකුත් කෙරේ

ගුරු - විදුහල්පති වැටුප් විෂමතාව ඉවත් කිරීමට අදාළ චක්‍රලේඛය නිකුත් කර තිබෙනවා.

රාජ්‍ය සේවා, පළාත් සභා හා පළාත් පාලන අමාත්‍යාංශය ලේකම් ජේ.ජේ. රත්නසිරිගේ අත්සනින් යුතු ව මෙම චක්‍රලේඛය නිකුත් කර ඇත්තේ, මේ මස පළමුවන දා සිට ක්‍රියාත්මක වන පරිදියි.

රාජ්‍ය සේවා, පළාත් සභා හා පළාත් පාලන අමාත්‍යාංශය ලේකම් ජේ.ජේ. රත්නසිරි හිරු ප්‍රවෘත්ති අංශයට කියා සිටියේ, ජාතික වැටුප් කොමිෂන් සභාවේ සහ මුදල් අමාත්‍යාංශයේ එකඟතාව ඇති ව මෙම චක්‍රලේඛය නිකුත් කළ බවයි.

එම ලිපිය මෙතැනින්

https://drive.google.com/file/d/1_n4NzVtjOR7utS27C6OPzl-031uM8q5O/view

 

වෙළඳපොල තුළ පවතින ආනයනික කිරි පිටි හිඟය මේ මස අවසානය වන තෙක් පවතිනු ඇති බව කිරිපිටි ආනයනකරුවන්ගේ සංගමය ප්‍රකාශ කළා.

එම සංගමයේ මාධ්‍ය ප්‍රකාශක අශෝක බණ්ඩාර කියා සිටියේ, ඩොලර් හිඟය මෙම තත්ත්වයට ප්‍රධාන හේතුව බවයි.

කෙසේ වෙතත්, මේ මස අවසානයේ හෝ පෙබරවාරි මස මුල කිරිපිටි රැගත් නෞකාවක් දිවයිනට ළඟා වන බව ඔහු සඳහන් කළා.

පසුගිය මස 31 වැනිදා සිට ආනයනික කිරිපිටි මිල ඉහළ නැංවීමට කිරිපිටි ආනයනකරුවන් පියවර ගත්තා.

ඒ අනුව ආනයනික කිරිපිටි කිලෝවක මිල රුපියල් 150කින් සහ ග්‍රෑම් 400 පැකට්ටුවක මිල රුපියල් 60කින් ඉහළ දැමීමට පියවර ගැනුණා.

මේ වනවිට ආනයනික කිරිපිටි කිලෝවක් රුපියල් 1,345කට අලෙවි වන අතර, කිරිපිටි ග්‍රෑම් 400ක පැකට්ටුවක් අලෙවි වන්නේ රුපියල් 540කට යි.

සිරගත කර සිටි සෞදි කුමරිය නිදහස් කරයි !
106 Views
මෝදි පාලමක හිරවෙයි !
100 Views
ඉන්දියානු ජාතික ගුවන් සේවය විකුණා දමයි....
269 Views
ලංකාවේ මිනිස්සු රජකාලේ ගෙවන ලද බදු සහ දඩ
213 Views
සැබවින්ම එල්ලංගාවක් යනු කුමක්ද? ලොවේ එකම වැව් ශිෂ්ටාචාරය: ශ්‍රී ලංකාව - ශෙවාන් ඩැනියෙල් විසිනි
358 Views
දිවියට සුවය සහ සවිය ගෙනෙන ප්‍රෝටීන් බලය
258 Views
කොවිඩ් රෝගීන්ට වැලඳෙන කළුපුස් රෝගය ගැන අනතුරු ඇඟවෙයි.
175 Views
සෑම පවුලකටම ආයුර්වේද මංඡුසාවක්
217 Views
ලැම්ඩා (Lambda) ගැන දැනුවත් ද?
273 Views
කළුදුරු තෙල්වල ප‍්‍රතිශක්තිය වඩන ප‍්‍රබල හැකියාවක් ඇත... ආයුර්වේද වෛද්‍ය, මහාචාර්ය එම්. එච්. ඒ. තිසේරා
283 Views
අද ලොකු සාදයක් !
162 Views
කිං ඛාන්ගේ පුතා රජගේමකදී පොලීසියට මාට්ටු..
196 Views
තිසර පෙරේරා ඇමරිකාවට යාමට සූදානමක්
199 Views
ඉතිහාසයේ පළමුවරට සිංහල ගීතයක විකාශන අයිතිය ඉන්දියානු සමාගමක් ලබාගනී..
363 Views
මාලිංග නැවතත් ශ්‍රී ලංකා ක්‍රිකට් පිටියට..
226 Views
රාගම සුප්‍රසිද්ධ ගුරෙක් ලඟ කාලිපූජා තැබූ ජනප්‍රිය ක්‍රිකට් ක්‍රීඩකයන් දෙපල කවුද ?
299 Views
කාන්තාවක් දැරණියගල සභාපතිගේ නාසය කපලා
282 Views
පහන්තුඩාව ඇල්ලේ ලිංගිකව හැසිරුන යුවලට ඇප
1,699 Views
නවතම අයිෆෝන් 13 මාදිලිය සඳහා චන්ද්‍රිකා තාක්ෂණය ?
422 Views
සුපිරි පාපන්දු ක්‍රීඩක රොනාල්ඩෝගේ සරාගී බිරිඳ ජෝජිනා
378 Views
හිට් ගොසිප්
චන්දිමාල් ජයසිංහ හා පියුමි හංසමාලි අත්අඩංගුවට
5,519 Views
හෙට මධ්‍යම රාත්‍රියේ සිට රටටම ඇඳිරිනීතිය ???
4,083 Views
ලාංකාවේ කොවිඩ් මර්ධනය සදහා භාවිතා කරන එන්නත් ගැන ඔබ නොදත් දේ
3,073 Views
ලබන සතියේ නැවතත් 5000 දීමනාව
1,769 Views
පහන්තුඩාව ඇල්ලේ ලිංගිකව හැසිරුන යුවලට ඇප
1,699 Views