ජාතික හැදුනුම්පත් සහ විදේශ ගමන් බලපත්‍ර ලබා ගැනීමට පැමිණෙන මහජනතාවගේ පහසුව පිණිස නාගරික සංවර්ධන අධිකාරිය විසින් එම ස්ථානයේ ආසන පැනවීමට පියවර ගෙන ඇත.
නාගරික සංවර්ධන අධිකාරියේ සභාපති නිමේෂ් හේරත් මහතා එම ස්ථානයේ සිදුකළ නිරීක්ෂණ චාරිකාවකින් අනතුරුව මෙම පියවර ගෙන තිබේ.
ආගමන විගමන දෙපාර්තමේන්තුවට සහ පුද්ගලයින් ලියාපදිංචි කිරීමේ දෙපාර්තමේන්තුවට විදේශ ගමන් බලපත්‍ර සහ ජාතික හැදුනුම්පත් ලබා ගැනීමට දෛනිකව විශාල මහ ජනතාවක් පැමිණෙයි. එම ස්ථානයේ ඔවුන්ට වාඩි වී සිටීමට ඇති ආසන ප්‍රමාණවත් නොමැති බැවින් බොහෝ විට ඔවුන් වාඩි වී සිටින්නේ ගස්යට, තාප්ප උඩ හෝ මහපාරේය.
ඊට සහනයක් ලෙස මහ ජනතාවට වාඩි වී සිටීමට මෙලෙස එම ස්ථානයේ ආසන පැනවීමට පියවර ගැනිණ.
