දේශපාලන පක්ෂයක් ලෙස පිළිගැනීමේ හිමිකම පක්ෂ කිහිපයකට අවසන් කිරීමේ අවදානමක් ඇතිවී තිබෙනවා.
ඒ 2021 වසරේ විගණනයක කළ ගිණුම් වාර්තා මෙතෙක් මැතිවරණ කොමිෂන් සභාවට ඉදිරිපත් නොකිරීම හේතුවෙන්.
මැතිවරණ කොමිෂන් සභාව එම ගිණුම් වාර්තා ඉදිරිපත් කිරීම සඳහා තවත් දින 14 ක කාලයක් අදාළ පක්ෂවලට ලබාදී තිබෙනවා.
එම කාලය තුළ ගිණුම් වාර්තා ඉදිරිපත් නොකරන පක්ෂවල දේශපාලන පක්ෂ හිමිකම 1981 අංක 1 දරන පාර්ලිමේන්තු මැතිවරණ පනතේ 9(3) උප වගන්තිය ප්‍රකාරව අවසන් කිරීමට නියමිතයි.
ඉහත සඳහන් පනත අනුව, දේශපාලන පක්ෂ විගණනය කළ ගිණුම් වාර්තා වාර්ෂිකව මැතිවරණ කොමිෂන් සභාවට ඉදිරිපත් කළ යුතුයි.
