නඩත්තු කටයුත්තක් හේතුවෙන් අක්‍රීය කර ඇති නොරොච්චෝලේ ගල් අඟුරු බලාගාරයේ පළමු ජනන යන්ත්‍ර ලබන බ්‍රහස්පතින්දා වන විට යළිත් ජාතික පද්ධතියට එක් කිරීමට අපේක්ෂා කරන බව විදුලිබල මණ්ඩලය පවසනවා.
මෙම නඩත්තු කටයුත්ත හේතුවෙන් ජාතික විදුලිබල පද්ධතියට ධාරිතාව මෙගාවොට් 270ක් අහිමි වුණා.
මේ අතර මේ වසරට අදාළව දිවයිනට පැමිණෙන 03 වන ගල් අඟුරු නෞකාව අද පුත්තලමට ළඟා වීමට නියමිතයි.
ගල් අඟුරු රැගත් නෞකා දෙකක් මෙම මාසයේ දිවයිනට පැමිණ ඇති අතර තවත් ගල් අඟුරු නෞකා දෙකක් ජනවාරි 18 වනදා සහ 19 වනදා දිවයිනට ළඟා වීමට නියමිතව තිබෙනවා.
