ඉහළ යන ජීවන වියදමට සහ විදුලි ගාස්තුවට විරෝධය දක්වමින් කොළඹ විශ්වවිද්‍යාලයේ අනධ්‍යයන සේවක සේවිකාවෝ එම විශ්වවිද්‍යාලය ඉදිරිපිට අද (09) දහවල් විරෝධතාවක නිරත වූහ.
‘විදුලි ඉන්ධන ගෑස් ඇතුළු භාණ්ඩ මිල පහත දමනු’, දුන් පොරොන්දු කෝ, වැටුප් ගැටලු වාහා විසඳනු’ සහ ‘ජනතාවගේ මූලික ප්‍රජාතන්ත්‍රවාදී අයිතීන්ට අත නොතබනු’ ආදි සටහන් කළ පුවරු රැගෙන එහිදී කොළඹ විශ්වවිද්‍යාලයේ අනධ්‍යයන සේවක සේවිකාවෝ විරෝධය දැක්වූහ.
මේ අතර, කැළණිය විශ්වවිද්‍යාලය ආචාර්යවරුන් සහ අනධ්‍යන සේවක පිරිස් ද අද (09) දහවල් උද්ඝෝෂණයක් ඇරැඹුහ.
උද්ඝෝෂකයෝ විශ්වවිද්‍යාල භූමියේ සිට කොළඹ නුවර ප්‍රධාන මාර්ගයට පිවිස කොළඹ නුවර ප්‍රධාන මාර්ගය දෙපස කෑ කෝ ගසමින් විරෝධතාවයෙහි නියැලි සිටිති.
