රසායනික පොහොර ආනයනය තහනම් කිරීමෙන් පසු කඩිනමින් ඉහළ ගිය එළවලු මිල රසායනික පොහොර යළි ආනයනයට අවසර දී දින දෙකකින් විශාල ලෙස පහළ බැසීම හරහා කාබනික වගාවට එරෙහිව පැවති කුමන්ත්‍රණය මනාව පැහැදිලි වන බව කෘෂිකර්ම අමාත්‍ය මහින්දානන්ද අලුත්ගමගේ මහතා පැවසීය.

“කාබනික වගාවේ ඉදිරිගමන පිළිබඳ ජාතික කතිකාව“ යන මැයෙන් අද පෙරවරුවේ කොළඹ පැවති විශේෂ සම්මන්ත්‍රණයකදී අමාත්‍යවරයා මේ බව ප්‍රකාශ කළේය.

එම සම්මන්ත්‍රණය අද පෙරවරුවේ කොළඹ බණ්ඩාරනායක ජාත්‍යන්තර සම්මන්ත්‍රණ ශාලාවේදී පැවැත්විණි.

එහිදී අදහස් දැක්වූ කෘෂිකර්ම අමාත්‍ය මහින්දානන්ද අලුත්ගමගේ මහතා,

"ජනාධිපතිතුමා මේ තීරණය ගත්තේ එක රැයකින් තනි තීරණයකට නෙමෙයි. කෘෂි විද්වතුන් ගෙන්වලා. ඒ පිරිස තමයි සෞභාග්‍යෙය් දැක්මේ මේ වගන්තිය ලියන්නේ. ඒ වගේම ඒ පිළිබඳව ජනාධිපතිතුමා දීර්ඝ කථිකාවක් කරලා තමයි මේ තීන්දුව ගන්නේ. හැබැයි ජනාධිපතිතුමා ගත්ත මේ තීන්දුවේ වටිනාකම මේ රටේ  කිසිවෙක් අතට ගත්තේ නැහැ. ඒ තීන්දුව දේශපාලනීකරණය වුණා. අවසානයේ මේකට විරුද්ධව ගොවි ජනතාව පාරට බැහැලා මේ ගත්ත තීන්දුව නිසා ජනතාවට ඇහුම්කන් දෙන ආණ්ඩුවක් ලෙස අපි තීන්දු කළා රසායනික පොහොර ආනයනය තහනම ඉවත් කර ගන්න. හැබැයි අපි හැප්පුනේ සීගිරි කන්දටත් එහා ගිය රසායනික මාෆියාව එක්ක. 

හැම මාධ්‍යවේදියෙක්ම ආර්ථික මධ්‍යස්ථානවලට ගියා. ඒ ගිහින් කැමරාවට පෙන්නවා. කැරට් කිලෝ 1 රු 500, ලූණු කිලෝ 1 රු.500යි. කැරට් අලය මෙච්චරයි, අල ගෙඩියක් මෙච්චරයි. රසායනික තහනම ඉවත් කරලා දවස් දෙකක් ගියාට පස්සේ රු.500 කැරට් කිලෝ එක රු.250යි. රු.500 අල කිලෝ එක රු.250යි. මෙච්චර කැරට් අල මෙච්චරයි කියලා ඒ රූපවාහිනියෙන්ම පෙන්නුවා. අපේ රටේ ඩොලර් හිඟයක් තියෙනවා කිව්වා. අපේ රටේ අත්‍යවශ්‍ය ආහාර ගේන්න පුද්ගලික බැංකු සල්ලි නැහැ කියනවා. අපි රසායනික තහනම ඉවත් කළා සතියකට කලින්. අද සියලු බැංකු නෑ කියපු ඩොලර් ටික එළියට අරගෙන රසායනික පොහොර ආනයන කරන්න LC ඇරලා. එතකොට එක දවසින් කැරට් ලොකු වෙනවානම්. එක දවසින් අල ලොකු වෙනවානම්. එක දවසින් නැති ඩොලර් ඇති වෙනවා නම්. මේ  පිටිපස්සේ මොකක්ද තියෙන්නේ කියන එක අපට ඉතාම පැහැදිලි."

පාසල් පද්ධතිය තුළ කොවිඩ් ව්‍යාප්තිය පාලනය කිරීම සඳහා ක්‍රමවක් වැඩපිළිවෙලක් මේ දක්වා සකස් කර නොමැති බව ලංකා ගුරු සංගමයේ ලේකම් ජෝසෆ් ස්ටාලීන් මහතා පවසයි.

ඔහු පවසන්නේ, ඒ සඳහා නිසි වැඩපිළවෙලක් ක්‍රියාත්මක නොවුනහොත් පාසල් යළි වසාදැමීමට සිදුවනු ඇති බවය.

"කොවිඩ් ආසාදිත ළමයෙක් ඉන්නවා. ඊට පස්සේ ආශ්‍රිතයින්නට මොකද කරන්නේ ? කොවිඩ් ආසාදිත වෙන ගුරුවරයෙක් ඉන්නවා. ආසාදිතයින්ට මොකද කරන්නේ ? වැඩපිළිවෙළක් නැහැ. පරික්ෂා කිරීමේ වැඩපිළිවෙළක් නැහැ. ආශ්‍රිතයෝ හරහා තමයි කොවිඩ් අවදානම දිගටම යන්නේ. එතකොට දැනට පාසල් පද්ධතියේ සිදුවෙන්නේ පන්තියක් වහනවා. සමහර වෙලාවට පාසලට ළමයි එනවා. සමහර ළමයින්ගේ දෙමාපියෝ කොවිඩ් ආසාදිතයෝ බවට පත්වෙලා තියෙනවා. ඒ වගේ තත්ත්වයකුත් තියෙනවා. ඒ හරහා පැතිරීමක් වෙන්න පුළුවන්. ඒක නිසා කොවිඩ් පැතිරීම පාලනය කිරීම, පාසල් පද්ධතිය තුළ සිදුවන ආකාරයේ වැඩපිළිවෙළත් ශක්තිමත් කරන්න ඕනේ. දැන් තමයි පාසල් ආරම්භ වෙලා තියෙන්නේ. ඒ ආරම්භ වෙලා පාසල් ඉස්සරහට යනකොට ඒ සම්බන්ධයෙන් විශේෂ අවධානයක් යොමු කරන්න ඕනේ. නිරන්තරයෙන් කියන්නේ පාසල් වැසීම කියන කාරණයට නොවේ, මේ වෘත්තීය සමිති කථා කරන්නේ. පාසල් පවත්වාගෙන යාම සඳහා වැඩපිළිවෙළක් සකස් කළ යුතුයි."

චීනයෙන් ඇනවුම් කරන ලද පොහොර තොගය මෙරට කිසිදු වරායකින් ගොඩ බෑම සදහා අවසර ලබා නොදීම හේතුවෙන්, ඇමරිකානු ඩොලර් මිලියන 1.6ක ප‍්‍රමාද ගාස්තු ගෙවීමට තම සමාගමට සිදු වූ බව චීන පොහොර සමාගම පවසයි.

අදාළ පොහොර තොගයේ හානිකර බැක්ටීරියා අඩංගු බව, ජාතික ශාක නිරෝධායනය ආයතනය මගින් තහවුරු කරන ලද අතර එම හේතුව මත පොහොර තොගය ගොඩ බෑමට අවසර දිය නොහැකි බව මෙරට බලධාරීන් විසින් චීන පොහොර සමාගම දැනුවත් කර තිබුණි.

ඊට අමතරව, සමාගම වෙත සිදු කිරීමට නියමිතව තිබුණු ගෙවීම් අත්හිටුවීමටද කටයුතු කරන ලදී.

චීනය, ජාතික ශාක නිරෝධායන ආයතනය මගින් ලබා දෙන ලද වාර්තා දැඩි ලෙස ප‍්‍රතික්ෂේප කර සිටියේ ය.

ඉන් පසුව තෙවන පාර්ශ්වයක් විසින් පොහොර සාම්පල පරීක්ෂා කරන ලද අතර, අදාළ පොහොර තොගය කිසිදු අහිතකර බැක්ටීරියාවක් අඩංගු නොවන බව ඔවුන් තහවුරු කරන ලදී.

මේ වන විට, පොහොර තොගය පිළිබද ගැටළුව අධිකරණය දක්වා ගොස් තිබේ.

කෙසේ වෙතත්, තමන්ට අසාධාරණයක් වූ බව පවසන පොහොර සමාගම, සිය සමාගමට වූ මූල්‍යමය පාඩුවත්, සමාගමේ කීර්තිනාමයට වූ හානියත් සදහා වන්දි ඉල්ලන බවත් – බේරුම්කරණයකට යන බවත් පවසා තිබේ.

රාජ්‍ය ඖෂධ නීතිගත සංස්ථාවේ ණයවර ලිපි 64 ක් සිරවී ඇති හෙයින් ඉදිරියේදී රටේ ඖෂධ හිඟයක් ඇති විය හැකි බව  සමගි ජන බලවේගය පක්ෂයේ කළුතර දිස්ත්‍රික් මන්ත්‍රී රාජිත සේනාරත්න මහතා පාර්ලිමේන්තුවේදී ඊයේ (30) පැවැසීය.

ඔහු මෙසේ පැවසුවේ සෞඛ්‍ය අමාත්‍යාංශය ඇතුළු අමාත්‍යාංශ කිහිපයක වැය ශීර්ෂ පිළිබඳ කාරක  සභා අවස්ථාවේ විවාදයේදීය.

ගුවන්තොටුපොළ  හරියාකාරව කළමනාකරණය කළහොත්  ඔමික්‍රෝන්  ප්‍රදේශයෙන් ගැලවිය හැකි බවද ඔහු සඳහන් කළේය.

මෙවැනි ප්‍රභේදයක් පැමිණියහොත් අප වැනි කුඩා දිවයිනකට ඔරොත්තු නොදෙන බව පැවසූ සේනාරත්න මහතා එම  වයිරසය  පැමිණියහොත් කීදෙනකු ඉතිරිවේ දැයි කිව නොහැකි  බවද පැවසුවේය.

ගෑස් සිලින්ඩරවල සංයුතියේ වෙනස්කමක් ‌කිරීමට ඉකුත් ජුලි මාසයේදී කටයුතු කළ බවත්, එම උත්සාහය අසාර්ථක වූ බවත් ලිට්‍රෝ ගෑස් සමාගමේ කළමනාකාර අයි. විජේරත්න මහතා මාධ්‍ය වෙත පවසා ඇත.

එම අසාරථක වීම හේතුවෙන් අදාළ සියලුම සිලින්ඩර නැවත කැදවූ බවද ඒ මහතා සදහන් කොට තිබේ.

එමනිසා දැනට වෙළෙදපොළේ පවතින ගෑස් සිලින්ඩර නියමිත ප්‍රමිතියෙන් පවතින බවද ඒ මහතා සදහන් කර සිටියේය.

මාතර, වැලිගම ප්‍රදේශයේ නිවසක ඊයේ (30) රාත්‍රී ඇති වූ ගින්නකින් 07 හැවිරිදි දැරියක ජීවිතක්ෂයට පත්ව තිබේ.

පොලීසිය පැවසුවේ, නිවසේ කාමරයක් තුළ ඇති වූ ගිනි ගැනීමක් හේතුවෙන් වහළ පිළිස්සී ගොස් නිවස තුළට කඩා වැටීමෙන් කාමරයේ නිදා සිටි එම දැරිය ගිනන්ට හසුව පිළිස්සී මියගොස් ඇති බවයි.

රාත්‍රී 10.40 ට පමණ ගින්න හටගෙන ඇති අතර එම අවස්ථාවේ මව, පියා ,දියණියන් දෙදෙනකු හා මිත්තණිය ද නිවසේ සිට ඇත.

පිරිස නින්දට ගොස් සිටි අවස්ථාවේ ගින්න හටගෙන ඇති අතර අසල්වාසීන් එක්ව නිවැසියන් පිටතට ගැනීමට කටයුතු කළ ද 7 හැවිරිදි දැරිය පිටතට ගැනීමට හැකියාවක් ලැබී නොමැත.

පොලීසිය පැවසුවේ, සිද්ධිය සැලවූ වහාම වැලිගම පොලීසිය මාතර ගිනිනිවීම් රථ කැඳවා ගින්න මැඩ පවත්වා කටයුතු කළ බවයි.

මේ අතර මුළුතැන්ගෙයි තිබූ ගෑස් සිලින්නඩරයට , ගෑස් උඳුනට හෝ අනෙකුත් උපාංගවලට කිසිදු හානියක් සිදුව නොමැති බව ත් ඒ අනුව ගෑස් ආශ්‍රිත කරුණක් මත මෙම ගින්න ඇති වී නොමැති බවට දැනට කරන ලද විමර්ශනවලදී නිරීක්ෂණය වී ඇති බවත් පොලීසිය පවසයි.

සිද්ධිය සම්බන්ධයෙන් වැලිගම පොලීසිය වැඩිදුර විමර්ශන සිදු කරන අතර මහේස්ත්‍රාත් පරීක්ෂණය සිදු කිරීමෙන් පසු සිරුර පිළිබඳ පශ්චාත් මරණ පරීක්ෂණය සිදු කිරීමට නියමිත ය.

'ඔමික්‍රෝන්' කොරෝනා වයිරසය හේතුවෙන් මුළු ලොවම භීතියට පත්වෙද්දී, ජර්මනියේ වසංගත රෝග විශේෂඥයකු වන මහාචාර්ය කාර්ල් ලුටර්බාෂ් අපූරු අදහසක් ලොවට ඉදිරිපත් කර ඇත. මහාචාර්යවරයා පෙන්වා දී ඇත්තේ 'ඔමික්‍රෝන්' විකෘතිය බිහිවූයේ 'කොවිඩ් 19' වසංගතය අවසන් කිරීමට බවය.

''වයිරසයකට ඇත්තේ එක අරමුණයි. ඒ, නොනැසී පැවැත්ම රඳවා ගනිමින්, පිටපත් වැඩි වැඩියෙන් නිර්මාණයයි. එසේ කිරීමට නම් එය වැඩි දෙනකු අතරේ පැතිරෙන්න ඕනෑ. වයිරසය ආසාදනය වූ තැනැත්තා වයිරසයෙන් මියගියොත් හෝ ප්‍රතිශක්තියෙන් (ස්වභාවිකව හෝ එන්නත් සහ ඖෂධ මගින් හෝ) වයිරසය අඩපණ කෙරුණොත් වයිරසයට සිය අරමුණ ඉටු කරගන්න ලැබෙන්නේ නැහැ. වයිරස දරු පරම්පරා විකෘතිකරණයට ලක් වෙන්නේ එසේත් නැතිනම් එය මාතෘ වයිරසයෙන් වෙනස්වීම්වලට ලක් වන්නේ ඒ නිසයි. ඔමික්‍රෝන් ගැන තවම හරිහැටි විස්තර දන්නේ නැහැ. ඒත් දකුණු අප්‍රිකා වයිරස විශේෂඥයන්ට අනුව, බෝ වීම ඉතාමත් වැඩි වුණත්, ඔමික්‍රෝන් බරපතල රෝගී තත්ත්ව පෙන්නුම් කර නැහැ. කොවිඩ් 19 මාතෘ වයිරසය ඔමික්‍රෝන් ලෙස වෙනස් වුණේ වයිරසයේ පැවැත්ම රඳවා ගෙන, එය ආසාදනය වෙන මනුෂ්‍ය අපේත් ජීවිත රැක ගැනීමට වෙන්න පුළුවන්. කොවිඩ් 19 වසංගතයේ පවා අවසානයක් තිබිය යුතුයි. කොවිඩ් 19 වසංගතයට අවසානයක් තිබිය යුතුයි. අවසානය වෙන්න නම් එක්කෝ වයිරසය ලොවෙන් තුරන් විය යුතුයි. නැතිනම් එය සාමාන්‍ය උණ හෙම්බිරිස්සාවක් දක්වා ප්‍රබලත්වය අඩු විය යුතුයි. මා හිතන්නේ ඔමික්‍රෝන් කියන්නේ එසේ වෙනස් වුණු විකෘතියයි. කොරෝනා වසංගතයේ අවසානය මෙය විය හැකියි.'' යැයි මහාචාර්ය කාර්ල් ලුටර්බාෂ් සිය අදහස ඉදිරිපත් කර තිබේ.

මහාචාර්ය කාර්ල් ලුටර්බාෂ් මෙසේ සිය අදහස ලොවට පවසද්දී, බ්‍රිතාන්‍යයේ සහ ඇමෙරිකාවේ ද වසංගත රෝග පිළිබඳ විශේෂඥයන් එම අදහසට සහාය දක්වමින් පවසා ඇත්තේ වෛද්‍ය විද්‍යාත්මකව ලුටර්බාෂ්ගේ අදහස පිළිගත හැකි බවය. කෙසේ නමුත් තවමත් ඔමික්‍රෝන් වයිරසයේ සැබෑ ස්වරූපය නොදන්නා බැවින්, මහාචාර්ය ලුටර්බාෂ්ගේ අදහස පිළිගැනීමට හෝ බැහැර කිරීමට හෝ නොහැකි බව ද ඔවුහු පවසති.

(ඩේලිමේල්)

හිටපු අමාත්‍යවරයෙකු සහ එක්සත් ජාතික පක්ෂ ප්‍රභල නායකයෙකු වූ සිරිසේන කුරේ මහතා කොළඹ පෞද්ගලික රෝහලක ප්‍රතිකාර ලබමින් සිටියදී අද (30) පෙරවරුවේ අභාවප්‍රාප්ත විය.

1979 සිට 1989 දක්වා කොළඹ නගරාධිපතිවරයා වූ ඔහු 1989 වසරේ 9 වැනි පාර්ලිමේන්තු මැතිවරණයෙන් කොළඹින් පාර්ලිමේන්තුවට තේරී පත් වූ අතර ප්‍රේමදාස කැබිනට් මණ්ඩලයේ නිවාස හා ඉදිකිරීම් අමාත්‍යවරයා ලෙස පත් විය.

ඔහු එක්සත් ජාතික පක්ෂ නායක රණසිංහ ප්‍රේමදාස මහතාගේ පාලන සමයේදී එහි මහලේකම්වරයා ලෙස කටයුතු කර ඇත.

රාජ්‍ය සේවක වැටුප රුපියල් දසදහසකින් වැඩිකිරීම, රාජ්‍ය සේවක විශ්‍රාම යෑමේ වයස නැවතත් අවුරුදු 55 දක්වා අඩු කිරීම, රාජ්‍ය සේවක අදහස් ප්‍රකාශ කිරීමේ අයිතියට බාධා නොකිරීම සහ රාජ්‍ය සේවකයන් රටට බරක් යනුවෙන් මුදල් අමාත්‍යවරයා සිදුකළ ප්‍රකාශය ඉල්ලා අස්කර ගැනීම යන කරණු සතර මුල්කර ගනිමින් ශ්‍රී ලංකා රාජ්‍ය නිලධාරි වෘත්තීය සමිති සම්මේලනය විසින් සංවිධානය කළ දීප ව්‍යාප්ත උද්ඝෝෂණයක් ඊයේ (29දා) දහවල් පැවත්විණි. 

මත්ද්‍රව්‍ය ජාවාරම්කරුවන් බෙදාහරින්නන් හා මත්ද්‍රව්‍ය සඳහා ඇබ්බැහිවූවන් ප්‍රභාකරන්ටත් වඩා අතිශය භයානක ත්‍රස්තවාදීන් ලෙස හැඳින්විය හැකි බව අධිකරණ අමාත්‍ය අලි සබි්‍ර මහතා පැවැසීය.

තරුණ පරම්පරාව රටේ අනාගතය බවත් ඇතැම් තරුණයන් මත්ද්‍රව්‍ය සඳහා යොමුව සිටීම විශාල අපරාධයක් මෙන්ම ඒ තුළින් පවුල් සංස්ථාවට පමණක් නොව සමාජයද පරිහානියට පත්වන බව ඒ මහතා පැවැසීය.

මත්ද්‍රව්‍ය සඳහා ඇබ්බැහිව පුනරුත්ථාපනය ලබන රැඳවූවන් නැවත යහපත් පුද්ගලයන් ලෙස සමාජගත කිරීම සඳහා ‘අම දිවි රිද්ම’ නමින් ව්‍යාපෘතියක්ද ආරම්භ කර ඇති බවද එම ව්‍යාපෘතිය හරහා ඔවුන් යහපත් පුද්ගලයන් බවට පත් කිරීමට අවශ්‍ය පියවර ගෙන ඇති බවද ඒ මහතා පැවැසීය.

මත්ද්‍රව්‍ය ජාවාරම්කරුවන් හා බෙදාහරින පුද්ගලයන් කවුද යන්න පිළිබඳව වත්මන් රජය මඟින් හඳුනාගෙන ඇති බවද එම පුද්ගලයන්ට නිසි දඬුවම් ලබාදී එම මත්ද්‍රව්‍ය බෙදාහැරීමේ ජාලය නතර කිරීමට අවශ්‍ය පියවර ගෙන ඇති බවද අමාත්‍යවරයා වැඩිදුරටත් පැවැසීය.

වීරවිල බන්ධනාගාර එළිමහන් කඳවුර තුළ පවත්වාගෙන යනු ලබන පුනරුත්ථාපන මධ්‍යස්ථානයේ නිරීක්‍ෂණ චාරිකාවක නිරතවෙමින් ඒ මහතා ඒ බව පැවැසීය.

 

ඉන්දියානු ජාතික ගුවන් සේවය විකුණා දමයි....
120 Views
ලංකාවේ මිනිස්සු රජකාලේ ගෙවන ලද බදු සහ දඩ
110 Views
සැබවින්ම එල්ලංගාවක් යනු කුමක්ද? ලොවේ එකම වැව් ශිෂ්ටාචාරය: ශ්‍රී ලංකාව - ශෙවාන් ඩැනියෙල් විසිනි
210 Views
බ්‍රිතාන්‍යය රතු ලැයිස්තුවෙන් ශ්‍රී ලංකාව ඉවත් කරයි.
150 Views
පිලිපීනයෙන් ලංකාවට පනවා තිබූ සංචාරක තහනම ඉවත් කරයි
191 Views
දිවියට සුවය සහ සවිය ගෙනෙන ප්‍රෝටීන් බලය
121 Views
කොවිඩ් රෝගීන්ට වැලඳෙන කළුපුස් රෝගය ගැන අනතුරු ඇඟවෙයි.
80 Views
සෑම පවුලකටම ආයුර්වේද මංඡුසාවක්
125 Views
ලැම්ඩා (Lambda) ගැන දැනුවත් ද?
164 Views
කළුදුරු තෙල්වල ප‍්‍රතිශක්තිය වඩන ප‍්‍රබල හැකියාවක් ඇත... ආයුර්වේද වෛද්‍ය, මහාචාර්ය එම්. එච්. ඒ. තිසේරා
180 Views
අද ලොකු සාදයක් !
39 Views
කිං ඛාන්ගේ පුතා රජගේමකදී පොලීසියට මාට්ටු..
89 Views
තිසර පෙරේරා ඇමරිකාවට යාමට සූදානමක්
103 Views
ඉතිහාසයේ පළමුවරට සිංහල ගීතයක විකාශන අයිතිය ඉන්දියානු සමාගමක් ලබාගනී..
192 Views
මාලිංග නැවතත් ශ්‍රී ලංකා ක්‍රිකට් පිටියට..
141 Views
රාගම සුප්‍රසිද්ධ ගුරෙක් ලඟ කාලිපූජා තැබූ ජනප්‍රිය ක්‍රිකට් ක්‍රීඩකයන් දෙපල කවුද ?
179 Views
කාන්තාවක් දැරණියගල සභාපතිගේ නාසය කපලා
146 Views
පහන්තුඩාව ඇල්ලේ ලිංගිකව හැසිරුන යුවලට ඇප
1,593 Views
නවතම අයිෆෝන් 13 මාදිලිය සඳහා චන්ද්‍රිකා තාක්ෂණය ?
269 Views
සුපිරි පාපන්දු ක්‍රීඩක රොනාල්ඩෝගේ සරාගී බිරිඳ ජෝජිනා
282 Views
හිට් ගොසිප්
චන්දිමාල් ජයසිංහ හා පියුමි හංසමාලි අත්අඩංගුවට
5,348 Views
හෙට මධ්‍යම රාත්‍රියේ සිට රටටම ඇඳිරිනීතිය ???
3,812 Views
ලාංකාවේ කොවිඩ් මර්ධනය සදහා භාවිතා කරන එන්නත් ගැන ඔබ නොදත් දේ
2,895 Views
ලබන සතියේ නැවතත් 5000 දීමනාව
1,653 Views
පහන්තුඩාව ඇල්ලේ ලිංගිකව හැසිරුන යුවලට ඇප
1,593 Views