වෙළෙඳ අමාත්‍යංශයේ ප්‍රධාන මූල්‍ය නිලධාරියා රාජ්‍ය සේවා කොමිසමේ නිසි අනුමැතියකින් තොරව සේවයේ යෙදවීමට අමාත්‍යංශ ලේකම්වරිය කටයුතු කිරීම තුළ ඔහු විසින් අස්සන් කරනු ලබන කෝටි ගණන්වල සිට පහළට චෙක්පත්වල වලංගුභාවය පිළිබඳව බරපතළ අර්බුදයක් මතුව ඇතැයි වාර්තා වේ.

වෙළෙඳ අමාත්‍යංශයේ පුරප්පාඩුව පවතින ප්‍රධාන ගණකාධිකාරි තනතුර සඳහා විශ්‍රාමිකයකු වූ කේ.ඩී. චිත්‍රපාල මහතා පත්කරන ලෙස කැබිනට් පත්‍රිකාවක් මඟින් අනුමැතිය ඉල්ලා තිබුණත් ඊට අදාළව කැබිනට් නිර්දේශය වී ඇත්තේ ඒ සඳහා පත්වීම් බලධරයා වන රාජ්‍ය සේවා කොමිෂන් සභාවේ අනුමැතිය ලබාගන්නා ලෙසය.

ඒ අනුව, ඔහුව 2021 අප්‍රේල් 5 වන දා දක්වා අමාත්‍යංශයේ ප්‍රධාන මූල්‍ය නිලධාරි ලෙස කටයුතු කිරීමට හය මසකට අනුමැතිය හිමිව තිබූ අතර එයින් පසුව මේ දක්වා ඔහුගේ සේවය දීර්ඝ කිරීමට රාජ්‍ය සේවා කොමිසම තීරණය කර නැත.

ඒ සඳහා අමාත්‍යාංශ ලේකම්වරිය වන භද්‍රාණි ජයවර්ධන මහත්මිය රාජ්‍ය සේවා කොමිසමෙන් ගණකාධිකාරිවරයාට සේවා දිගුවක් ලබාදෙන ලෙස ඉල්ලා තිබුණත් මේ දක්වා ඒ සඳහා අනුමැතිය ලබා නොදුන් බව ද රාජ්‍ය සේවා කොමිසමේ ආරංචිමාර්ග සඳහන් කරයි.

එසේ වුව ද ලේකම්වරිය විසින් සේවා අවශ්‍යතා මත බව සඳහන් කරමින් 2021 අප්‍රේල් 08 වැනිදා සිට ඔහුට ප්‍රධාන ගණකාධිකාරි තනතුර ලබාදී ඇතත් එහි නීතිමය වලංගුභාවයක් නොමැතිවීම බරපතළ අර්බුදයක් මතුකර ඇතැයි වාර්තා වේ.

මෙම නිලධාරියා අමාත්‍යාංශ ලේකම්වරිය කොළඹ මහ නගර සභාවේ නාගරික කොමසාරිස්වරිය ලෙස කටයුතු කළ සමයේ එහි ගණකාධිකාරිවරයා ලෙස ද කටයුතු කර ඇති අතර එයින් පසුව ඔහු පසුගිය යහපාලන රජය සමයේ වෙළෙඳ අමාත්‍යංශයේ ගණකාධිකාරවරයෙකු ලෙස ද කටයුතු කර තිබේ.

එයින් පසුව ඔහු වත්මන් රජය යටතේ ජයවර්ධන මහත්මිය සෞඛ්‍ය අමාත්‍යාංශයේ ලේකම්වරිය ලෙස කටයුතු කළ සමයේ සේවය සඳහා කැඳවා එහි ටෙන්ඩර් මණ්ඩලවලද වගකිවයුතු නිලධාරියෙකු ලෙස කටයුතු කර ඇතැයි ද වාර්තා වේ.

නමුත් ඔහු එහි ද සේවයේ යොදවා තිබී ඇත්තේ නිසි අනුමැතියකින් තොරව බවත් ඔහුට නිල වශයෙන් කිසිදු තනතුරක් ලබාදී නොතිබූ බව ද දැනගන්නට තිබේ.

කඩවත පොලිස් ස්ථානයේ අපරාධ අංශ භාර ස්ථානාධිපතිවරයාගේ පුතා රාගම ප්‍රදේශයේදී පුද්ගලයෙකුට පහර දී ඇත. පහරදීමෙන් තුවාල ලැබූ එම පුද්ගලයා රෝහල්ගත කර ඇති අතර, සිද්ධියට හේතුව දුරකථන අලුවැඩියා කටයුත්තකදී ඇති වූ බහින් බස් වීමක් දුරදිග යාම බව අපට තොරතුරු වාර්තා වේ. සිද්ධිය සැකෙවින් මෙසේය.

සිද්ධියට මුහුණ දුන් පුද්ගලයා රාගම ප්‍රදේශයේ දුරකථන අලුවැඩියා කරන්නෙකු ලෙස සේවය කරන අතර, සිද්ධියට අදාල පොලිස් නිලධාරියාගේ පුතා පැමිණ දුරකථනය ඉක්මනින් සාදා දෙන ලෙස පවසා ඇත. එහිදී ඔහු පවසා ඇත්තේ " මේ දවස්වල ඇඳිරිනීතිය නිසා ෂොප් එකේ වැඩ නැහැ. ඇඳිරිනීතිය ඉවර උන ගමන් හදලා දෙන්නම් " කියාය. එවිට පොලිස් නිලධාරියාගේ පුත්‍රයා පවසා ඇත්තේ " අඩෝ මම කඩවත ක්‍රයිම් ඕඅයිසීගේ පුතා. ඕක ඉක්මනට හදලා දියං, නැත්නම් උඹගෙ අත්දෙක කපනවා, වැඩේ කරල දීපං ඉක්මනට " යනුවෙන් පවසා ගොස් ඇත. ඉන් දින දෙකකට පසුව නැවත ඔහුගේ නිවස අසලට ඇවිත් *** වරෙන් එලියට යනුවෙන් කතා කර ඇත. එවිට පහර කෑ පුද්ගලයාගේ බිරිඳ පැමිණ 'ඇයි මොකක්ද ප්‍රශ්ණය " යනුවෙන් විමසා ඇත. ලාන්සර් බොක්ස් වර්ගයේ වාහනයක් වන අතර, එහි අංක තහඩු වසාගෙන පැමිණ ඇත. 

" වාහනය තුල ෆුල්ෆේස් දාගෙන දෙනෙක් හිටියා, එලියෙ තුන් දෙනෙක් හිටියා, මම ඇහුවා මොකක් මල්ලී ප්‍රශ්නෙ කියලා. එතකොට දැක්කා ඕඅයිසීගේ පුතා වාහනේ ඇතුලෙ ඉන්නවා. වාහනේ විපරමින් බලනකොට කඩු තුනක් තිබුනා. ඒ එක්කම මම ගේට්ටුව වහලා වත්තට පැන්නා. උන් ටික මගේ පස්සෙන් එලවගෙන කුස්සිය පැත්තට ආවා. ඊට පස්සෙ දුවනකොට මම වැටුනා. මට කඩුවලින් ගැහුවා, ඒවා අල්ලනකොට මට අතටයි, කොන්දටයි ඩැදුනා. මගෙ දරුවො ඉදිරිපිට මට කඩුවලින් පහර දුන්නෙ. වයිෆ් පැනලා තමා බේරගත්තෙ. ඊට පස්සෙ උන් පැනලා ගියා. දැන් මගේ දරුවො සෑහෙන්න බයවෙලා ඉන්නෙ. කතාකරන්නෙත් අඩුවෙන්. රාගම පොලීසියේ මම මේ ගැන පැමිණිල්ලක් දැම්මා. මම රෝහල්ගත උනා. දින තුනක්ට පස්සෙ ටිකට් කැපුවා. තවම පොලීසිය කිසිම ඇක්ෂන් එකක් අරගෙන නැහැ. ඊට පස්සෙ කඩවත ක්‍රයිම් ඕඅයිසී හතර දෙනෙක් එකක් රාගම පොලීසියට ඇවිත් මට කිව්වා මේ සිද්ධියට සමාවෙන්න මම වන්දියක් හරි ගෙවන්නම් කියලා. ආයෙ කිව්වා පුතා ගෙනල්ලා සමාව ඉල්ලන්නම් කියලා. "

ඉන්පසුව අප රාගම පොලිස් ස්ථානයේ ස්ථානාධිපතිවරයා සම්බන්දකරගත්තා. නමුත් ඔහු නිවාඩු ගොස් ඇති බැවින් වැඩබලන ස්ථානාධිපතිවරයා 0718591604 අංකය ඔස්සේ සම්බන්ද උනා. එහිදී ඔහු පවසා සිටියේ සිද්ධියට අදාල පුද්ගලයින් තරාතිරම නොබලා අත්අඩංගුවට ගන්නා බවයි. සිද්ධියට අදාල සැකකරුවන් මේ වන විට පොලීසියෙන් සැඟවීමට ප්‍රදේශයෙන් පතාගොස් ඇති බවද රාගම පොලීසිය සඳහන් කලා. එසේම සිද්ධිය බරපතල බැවින් පොලිස් ඇප නොලැබෙන බවත් අධිකරණයට ඉදිරිපත් කර ඉදිරි නීතිමය කටයුතු කරන බවත් පවසා සිටියා. තවද, මේ සිද්ධියට සම්බන්ද සමන්ත නැමති අපරාධකරුද පොලීසිය සොයමින් සිටින අතර නුදුරේදීම අත්අඩංගුවට ගන්නා බවත් සඳහන් කර සිටියා. 

- FreeNews.lk -

ඔක්තෝබර් පළමු වනදා තෙක් නිරෝධායන ඇඳිරිනීතිය දීර්ඝ කිරීම මගින් මෙරට කොවිඩ් ව්‍යාප්තිය තවදුරටත් සාර්ථක ලෙස පාලනය කර ගැනීමේ හැකියාව ලැබෙන බව ශ්‍රී ලංකා වෛද්‍ය සංගමයේ සභාපති විශේෂඥ වෛද්‍ය පද්මා එස්. ගුණරත්න මහත්මිය පැවසුවාය.

කෙසේ වෙතත් සුරාසැල් විවෘතකිරීමට රජය ගෙන ඇති තීරණයත් සමග කොවිඩ් ව්‍යාප්තිය පාලනය සඳහා දැඩි අහිතකර බලපෑමක් සිදුවන බව විශේෂඥ වෛද්‍යවරිය සඳහන් කළාය.

“සුරාසැල් ඉදිරියේ සෙනඟ ගොඩක් එකතුවී මත්පැන් අරගෙනයෑමට පොරකන දර්ශන ගොඩක් අපිට දකින්නට ලැබුණා. ඉතින් මේක ධනාත්මක සාධකයක් ලෙස අපි කොහෙත්ම දකින්නේ නැහැ. අපි හිතනවා මේකෙන් වෙන හානිය වැඩියි. අපිට පාසල් ඉක්මනින් අරින්නට පුළුවන් වන හැකියාව තව දීර්ඝ වෙන්නට පුළුවන්, සංචාරක සේවාව පටන්ගැනීමේ හැකියාව තව ප්‍රමාද වෙන්නට පුළුවන් මේක ඉතාමත් සෘණාත්මක ආකාරයට තමයි මේ රෝගය පාලනය කිරීමට බලපාන්නේ. ඉතින් අපි හිනතවා රජය මේ ගැන සැලකිලිමත්ව කල්පනාකරලා බලයි කියලා. මේකෙන් මේ රෝගය පාලනයකරලා යළි රට කොළ පාට දක්වා යන ගමනට බාධවක් ඇති වෙයි කියලා අපිට බයක් තියෙනයවා. ඒක නිසා මේ රෝගය පාලනය කිරීම සහ ආර්ථිකය නගා සිටුවීම මේක නිසා ඇතිවන බලපෑම සෘණාත්මක ආකාරයට බලපානවා. ඒ නිසා මේ තත්ත්වයට එකඟවෙන්නට අමාරුයි.“ 

මේ අතර දෛනික රැකියාවන්හි නිරතව සිටි පිරිස ඇඳිරිනීතිය හේතුවෙන් පීඩාවට පත්ව සිටින අවස්ථාවක සුරාසැල් විවෘතකිරීම පිළිකුලෙන් යුතුව හෙළා දැකිය යුතු බව එක්සත් ජාතික ස්වයං රැකියා වෙළෙඳ ව්‍යාපාරිකයන්ගේ සංගමයේ සභාපති ප්‍රදීප් චාල්ස් මහතා පැවසීය.

කොළඹ දිස්ත්‍රික් පාර්ලිමේන්තු මන්ත්‍රී එස් ඒ ඩි ජගත් කුමාර මහතා පාදුක්ක ප්‍රාදේශීය සංවර්ධන කමිටු සභාපති ධුරයෙන් අද (17)ඉල්ලා අස්විය .

පාදුක්ක පොලීසියේ ස්ථානාධිපතිවරයා කොළඹ දිස්ත්‍රික්කයේ ඇමතිවරයකුගේ අවශ්‍යතා මත මාරුකිරීමේ සිද්ධිය මුල් කර ගනිමින් තමා එම ධුරයෙන් ඉවත්වන බව ජගත් කුමාර මහතා ජනාධිපති ගෝඨාභය රාජපක්ෂ මහතා වෙත ලිපියක් යවමින් දැනුම් දී ඇත .

වැලිකඩ බන්ධනාගාර පරිශ්‍රයේ හෝ අනුරාධපුර බන්ධනාගාරයේ සී සී ටී වී කැමරා පද්ධති සවිකර නැතැයි බන්ධනාගාර මූලස්ථානය පවසයි.

සී සී ටී වී කැමරා පද්ධති සවි කර ඇත්තේ,  බූස්ස, අගුණකොළපැළැස්ස සහ ක`ථතර යන බන්ධනාගාරවල පමණක් බව ද එම මුලස්ථානය සදහන් කරයි.

ඒ අනුව, බන්ධනාගාර හිටපු රාජ්‍ය අමාත්‍ය ලොහාන් රත්වත්තේ මහතා විසින් සිදුකරනු ලැබූ බව කියන සිද්ධියට අදාළව විමර්ශනයේදී සී සී ටී වී දර්ශන උපයෝගී කර ගත නොහැකි වන බව බන්ධනාගාර නිලධාරීහු සදහන් කරති.

කෙසේ වෙතත් මෙරටේ සෑම බන්ධනාගරයකටම ඇතු`ථ වන ඕනෑම පුද්ගලයකුගේ සටහන් තබා ගැනීමේ ‘ලොග් සටහන් පොතක්’ සෑම බන්ධනාගරයකම ඇති බවත් විශේෂයෙන්ම බන්ධනාගාර තුළ සෑම අංශයකම එවැනි ‘ලොග් සටහන් පොත් ’ ගණනාවක් ම ඇති බවත් එම නිලධාරීහු පවසති.

සිරකරු දිනය පැවැති ඉකුත් 12 වැනිදා බන්ධනාගාර රාජ්‍ය අමාත්‍යවරයාව සිටි ලොහාන් රත්වත්තේ මහතා අනුරාධපුර බන්ධනාගාරයට ඇතුලු වී එල් ටී ටී ඊ රැඳවියන් දෙදෙනකු ඔහු ඉදිරියේ දණ ගස්වා ඔවුන්ට මරණීය තර්ජනය කළ බවට වන සිද්ධිය සම්බන්ධයෙන් මේ වන විට බන්ධනාගාරය මගින් ද අපරාධ පරීක්ෂණ දෙපාර්තමේන්තුව මගින්ද පරීක්ෂණ පැවැත්වෙයි.

සම්බා වී කිලෝවක් රුපියල් 60 කට සහ කීරි සම්බා වී කිලෝවක් රුපියල් 70 බැගින් මිලදී ගැනීමට කැබිනට් මණ්ඩලයට යෝජනා කළ බව කෘෂිකර්ම අමාත්‍ය මහින්දානන්ද අලුත්ගමගේ මහතා පැවසීය.

එම යෝජනාවට ජනාධිපති ගෝඨාභය රාජපක්‍ෂ මහතාගෙන් හොඳ ප්‍රතිචාරයක් ලැබෙනු ඇති බවට විශ්වාස කරන බව කී අමාත්‍ය මහින්දානන්ද අලුත්ගමගේ මහතා ගොවීන්ගේ ඉල්ලීමට අවදානය යොමු කරමින් පසුගිය සතියේ නාඩු වී කිලෝවක සහතික මිල රුපියල් 55 දක්වා ඉහළ දැමූ බව ද සඳහන් කළේය.

සම්බා වී කිලෝවකට රුපියල් 52 ක සහ කීරි සම්බා වී කිලෝවකට රුපියල් 55 ක සහතික මිලක් මේ වන විට රජය පනවා ඇති අතර ගෙවීන් පවසන්නේ එම මිල රුපියල් 65 ත් 70 ත් අතර මිලක් දක්වා වැඩි කරන තෙක් වී අළෙවි නොකරන බවයි.

රජයේ අත්‍යවශ්‍ය පුනරාවර්තන වියදම් පවත්වා ගැනීම සඳහා ප්‍රමාණවත් නොවන තරමට රජයේ ආදායම අපේක්‍ෂිත මට්ටමටත් වඩා පහත වැටී තිබෙන බව මුදල් අමාත්‍ය බැසිල් රාජපක්‍ෂ රජයේ වියදම් සමාලෝචනයක යෙදෙමින් කැබිනට් මණ්ඩල සන්දේශයක් මඟින් ඇමැති මණ්ඩලය දැනුවත් කොට තිබේ.

2021 වසර සඳහා ඇස්තමේන්තු කළ රුපියල් බිලියන 2694ක පුනරාවර්තන වියදම කොවිඩ් වසංගත තත්ත්වය පාලනය සඳහා එන්නත්කරණය, සෞඛ්‍ය සේවා පුළුල් කිරීම, බලපෑමට ලක්වූ පවුල් වෙත සහන සැලසීම යනාදිය සඳහා රජය ගත් කඩිනම් පියවර හේතුවෙන් තවදුරටත් වැඩිවීමේ ප්‍රවණතාව තුළ මූල්‍ය වියදම් ඇතුළු රජය විසින් දැරීමට අපේක්‍ෂිත සමස්ත වියදම් මේ තත්ත්වය හමුවේ නැවත සමාලෝචනය කිරීමට සිදුව තිබෙන බව මුදල් ඇමැතිවරයා කැබිනට් මණ්ඩලයට දැනුම්දී තිබේ.

මෙම තත්ත්වය හමුවේ වියදම් පාලනය සඳහා රාජ්‍ය වියදම් පොදුවේ අහුරා තැබීම වෙනුවට අමාත්‍යවරුන් විසින් තම අමාත්‍යාංශවල වියදම් නැවත සමාලෝචනයට ලක් කිරීම මඟින් වියදම් සීමාකර ගැනීමට කටයුතු කිරීම වඩාත් ඵලදායි වනු ඇතැයි අමාත්‍ය මණ්ඩලයේ අවධානය යොමු කරවන මුදල් ඇමැතිවරයා ඉදිරියේ ගන්නට සිදුවන නීරස පියවර කීපයක් ගැනද රජයේ වියදම් සමාලෝචන සටහනෙහි දක්වා තිබේ.

එම පියවරයන් මෙසේය.

* නියමිත අනුමැතීන් යටතේ ප්‍රතිපාදන වෙන්වී තිබුණද දැනට ආරම්භ කර නොමැති වැඩසටහන්, මිලදී ගැනීම්, ඉදිකිරීම්, ගොඩනැඟිලි නවීකරණය හා වැඩිදියුණු කිරීම් ආදිය තාවකාලිකව අත්හිටුවීම.

* සේවක බඳවා ගැනීම් සඳහා මූලික කටයුතු කර තිබුණද, දැනට ආරම්භ කර නොමැති තනතුරු සඳහා බඳවා ගැනීම් කල් තැබීම.

*සුබ සාධන වැඩසටහන් යටතේ හඳුනාගෙන ඇති ප්‍රතිලාභී ලේඛන සමාලෝචනයට ලක්කර අත්‍යවශයෙන්ම ප්‍රතිලාභ ලබාදිය යුතු අඩු ආදායම්ලාභීන්ට පමණක් සීමා කිරීම.

* අමාත්‍ය මණ්ඩලය විසින් අනුමත කර නොමැති කිසිදු දීමනාවක්, සුබ සාධක වැඩසටහන් සංවර්ධන සහායන් හෝ සහනාධාර ලබාදීම් නතර කිරීම.

* සේවා අවශ්‍යතාව මත අමාත්‍යාංශ ලේකම්වරුන්ගේ, දෙපාර්තමේන්තු ප්‍රධානීන්ගේ, අනුමැතීන් යටතේ ගෙවනු ලබන වැටුප් නොවන දීමනා, බිල්පත් ප්‍රතිපූර්ණය කිරීම යනාදිය සමාලෝචනය කර පොදුවේ සියලුම නිලධාරි කණ්ඩායම් වෙත ලබාදීම වෙනුවට සත්‍ය වශයෙන්ම කාර්යයේ නියැළෙන නිලධාරීන්ට පමණක් සීමා කිරීම.

* මූල්‍ය සංවර්ධන වැඩසටහන් යටතේ වෙන්කර ඇති ප්‍රතිපාදන භාවිතයෙන් කරනු ලබන විවිධ ද්‍රව්‍ය, භාණ්ඩ හා උපකරණ බෙදාදීම සහ සහනදායී බැංකු ණය ආධාර නොවන මූල්‍ය ප්‍රදාන ලෙස දෙනු ලබන ආධාර සමාලෝචනය කර ඒවා අත්හිටුවීම.

* සිය අමාත්‍යාංශවල කාර්යයන් හා විෂයයන් නියම කරමින් නිකුත් කර ඇති ගැසට් නිවේදනවල දක්වා ඇති සුවිශේෂ ප්‍රමුඛතාවලට ඍජුව අදාළ නොවන සියලුම ආකාරයේ වැඩසටහන් සඳහා වියදම් දැරීම වහාම අත්හිටුවීම.

* තම ආයතනවල නිලධාරීන් චක්‍රීය ක්‍රමයට සේවයට කැඳවන අවස්ථාවලදී නිලධාරීන්ගේ පැමිණීම පදනම් කරගත් දීමනා (ඉන්ධන දීමනා වැනි) සේවයට වාර්තා කරනු ලබන දිනවලට පමණක් ලබා ගන්නා ක්‍රමවේද වැනි වියදම් පාලන ක්‍රම පිළිබඳව ලේකම්වරුන්ගෙන් යෝජනා ලබා ගැනීම.

ඉහත ක්‍රියාමාර්ග අනුගමනය කිරීමෙන් එක් එක් අමාත්‍යාංශ විසින් ඉතිරි කිරීමට අපේක්‍ෂිත අරමුදල් ප්‍රමාණය පිළිබඳ විස්තර නොපමාව භාණ්ඩාගාරය වෙත දැනුම් දීමට කටයුතු කරන ලෙස තම ලේකම්වරුන්ට නියම කරන්නැයි මුදල් ඇමැතිවරයා කැබිනට් ඇමැතිවරුන්ගෙන් ඉල්ලීමක්ද කොට තිබේ.

එක්සත් ජාතීන්ගේ 76 වන මහා මණ්ඩල සැසිවාරයට සහභාගීවීම සඳහා ජනාධිපති ගෝඨාභය රාජපක්ෂ අද (18) අළුයම දිවයිනෙන් පිටත්ව ගියේය. ඇමරිකා එක්සත් ජනපදයේ නිව්යෝර්ක්හි දී එක්සත් ජාතීන්ගේ 76 වන මහා මණ්ඩල සැසිවාරය මේ දිනවල පැවැත්වීමට නියමිතව ඇත.

ජනාධිපතිවරයා දිවයිනෙන් බැහැරව විදේශ සමුළුවකට සහභාගී වන සහ එක්සත් ජාතීන්ගේ මූලස්ථානයේ දී රාජ්‍ය නායක සමුළුව අමතන පළමු අවස්ථාව මෙය වේ.

ලබන 22 වන දින ජනාධිපති ගෝඨාභය රාජපක්ෂ සමුළුව ඇමතීමට නියමිත අතර මෙම සැසිවාරය අතරතුර ජනාධිපතිවරයා, රාජ්‍ය නායකයන් කිහිප දෙනෙකු සමඟ ද්විපාර්ශ්වික සාකච්ඡා පැවැත්වීමට ද නියමිතව තිබේ. විදේශ අමාත්‍ය මහාචාර්ය ජී.එල්. පීරිස්, ජනාධිපති ප්‍රධාන උපදේශක ලලිත් වීරතුංග, විදේශ ලේකම් අද්මිරාල් මහාචාර්ය ජයනාත් කොළඹගේ යන පිරිස මෙම සංචාරයට එක්ව සිටින බව ජනාධිපති මාධ්‍ය අංශය සඳහන් කළේය.

වයින් ස්ටෝර්ස් හා බීර වර්ග බෝතල් හා කෑන් ලෙස අලෙවි කරන ස්ථාන අද(17) සිට විවෘත කිරීමට අවසර ලැබෙන බව සුරාබදු දෙපාර්තමේන්තුව පවසයි.

රටක අභ්‍යන්තර ගැටලූ විසඳීමට බාහිර යාන්ත‍්‍රණයක් සැකසීමට එක්සත් ජාතීන්ගේ මානව හිමිකම් කවුන්සිලයට බලයක් ලබාදී නැතැයි විදේශ කටයුතු අමාත්‍යාංශයේ ලේකම් අද්මිරාල් මහාචාර්ය ජයනාත් කොළඹගේ මහතා පැවසීය.

විදේශ ලේකම්වරයා එම අදහස් පැවසුවේ ජනාධිපති මාධ්‍ය කේන්ද්‍රයේදී ඊයේ (16 දා) පෙරවරුවේ පැවැති මාධ්‍ය හමුවේදීය.

වීඩියෝ තාක්ෂණය ඔස්සේ පැවැති මෙම මාධ්‍ය හමුවේදී වැඩිදුරටත් අදහස් දක්වමින් ඒ මහතා මෙසේ ද කීවේය.

රටේ අභ්‍යන්තර ගැටලූ විසඳීමට බාහිර යාන්ත‍්‍රණයක කිසිදු අවශ්‍යතාවයක් නැහැ. ශ‍්‍රී ලංකාවේ අභ්‍යන්තර නීති පද්ධතිය තුළ රටේ සියලූ ගැටලූවලට විසඳුම් තිබෙනවා.

එක්සත් ජාතීන්ගේ මානව හිමිකම් කවුන්සිල මෙවර සැසිවාරයේදී මහ කොමසාරිස් මිෂෙල් බැචලේ මහත්මිය වාචිකව කරුණු ඉදිරිපත් කරමින් අතුරුදන්වූවන්ට වන්දි ගෙවීම, එල්. ටී. ටී. ඊ. සිරකරුවන් නිදහස් කිරීම, ත‍්‍රස්ත මර්දන පනත සංශෝධනය ඇතුළු කරුණු ගණනාවක් පිළිබඳ ශ‍්‍රී ලංකා රජය ගත් පියවර ඇගයීමට ලක් කිරීම සුබවාදී ලකුණකි.

මානව හිමිකම්වලට මුවාවී ශ‍්‍රී ලංකාවේ අභ්‍යන්තර කටයුතුවලට අතපෙවීම හෙළාදකිමින් චීනය, රුසියාව, ජපානය, උතුරු කොරියාව, දකුණු කොරියාව, පාකිස්ථානය, ඉරාකය, වෙනිසියුලාව ඇතුළු රටවල් 15ක් ශ‍්‍රී ලංකාව සමඟ අත්වැල් බැඳගෙන සිටිනවා. මානව හිමිකම් සුරැුකීම, සංහිඳියාව පවත්වාගෙන යෑම ත‍්‍රස්තවාදය මුලිනුපුටා දැමීම යන කරුණු පිළිබඳ රජයේ වගකීම ඔවුන්ගේ විශේෂ ප‍්‍රසාදයට ලක්ව තිබෙනවා.

කලාපයේ අනෙකුත් රටවල් සමග සන්සන්දනය කිරීමේදී ශ‍්‍රී ලංකාව සාමකාමී රටක්. ත‍්‍රස්තවාදය පරාජය කිරීම, අන්තවාදි ත‍්‍රස්තවාදී ක‍්‍රියා මර්දනය සේම රටේ ජනතාව අතර සාමය හා සංහිඳියාව ගොඩනැගීමේදී ශ‍්‍රී ලංකාව ඉදිරියෙන් සිටිනවා. පසුගිය වසර දෙක තුළ සක‍්‍රියවම ඒ බව ජාත්‍යන්තරය හමුවේ පෙන්නුම් කර තිබෙනවා.

ශ‍්‍රී ලංකාවේ විදේශ ප‍්‍රතිපත්තිය නොබැඳි පිළිවෙතක්. එම පිළිවෙතට අනුව යමින් බල අරගලයන්ට මැදි නොවී ඉදිරියට යෑම ශ‍්‍රී ලංකාවේ අරමුණයි. මෙරට භූගෝලීය පිහිටීම පිළිබඳ දැඩි අවධානයෙන් යුතුව රජය කටයුතු කරනවා.

රජයේ ප‍්‍රත්පත්තිය ඉතා පැහැදිලිය. ඒ පිළිබඳ ලෝකයේ රටවල් පසුගිය මාස කිහිපය පුරා විවිධ වාර්තා මගින් දැනුවත් කළා. එහි ප‍්‍රතිඵලයක් ලෙස ඔවුන්ගේ සහාය ශ‍්‍රී ලංකාවට හිමිව තිබෙනවා. විදේශ කටයුතු අමාත්‍යාංශය, අධිකරණ අමාත්‍යාංශය සහ ආරක්ෂක අමාත්‍යාංශය එහිදී මනා සම්බන්ධීකරණයකින් කටයුතු කළා. එනිසා එක්සත් ජාතීන්ගේ මානව හිමිකම් කවුන්සිලය හමුවේ මුහුණදීමට අපට ගැටලූවක් නැහැ යැයිද හෙතෙම පැවසීය.

බ්‍රිතාන්‍යය රතු ලැයිස්තුවෙන් ශ්‍රී ලංකාව ඉවත් කරයි.
32 Views
පිලිපීනයෙන් ලංකාවට පනවා තිබූ සංචාරක තහනම ඉවත් කරයි
59 Views
ජැකලීන් කෝටි 200 ඉස්සුවාද ?
142 Views
නවසිලන්තයේදී ශ්‍රී ලංකාවේ නම අපකීර්තිමත් කල ත්‍රස්ථයාගේ නම හෙලිදරව් වේ
33 Views
ඔක්ලන්ඩ් පිහිඇනුම්කරු ශ්‍රී ලාංකිකයෙක්
43 Views
සෑම පවුලකටම ආයුර්වේද මංඡුසාවක්
39 Views
ලැම්ඩා (Lambda) ගැන දැනුවත් ද?
98 Views
කළුදුරු තෙල්වල ප‍්‍රතිශක්තිය වඩන ප‍්‍රබල හැකියාවක් ඇත... ආයුර්වේද වෛද්‍ය, මහාචාර්ය එම්. එච්. ඒ. තිසේරා
125 Views
කොවිඩ්-19 රෝගීන්ගේ රුධිරය කැටි ගැසීමට හේතු සොයාගැනේ
158 Views
"ලොවේ හදගැස්ම ඔබේ රුධිරයයි" - ලෝක රුධිර පරිත්‍යාගශීලින්ගේ දිනය අදයි
129 Views
ඉතිහාසයේ පළමුවරට සිංහල ගීතයක විකාශන අයිතිය ඉන්දියානු සමාගමක් ලබාගනී..
66 Views
මාලිංග නැවතත් ශ්‍රී ලංකා ක්‍රිකට් පිටියට..
49 Views
රාගම සුප්‍රසිද්ධ ගුරෙක් ලඟ කාලිපූජා තැබූ ජනප්‍රිය ක්‍රිකට් ක්‍රීඩකයන් දෙපල කවුද ?
103 Views
කාන්තාවක් දැරණියගල සභාපතිගේ නාසය කපලා
57 Views
පහන්තුඩාව ඇල්ලේ ලිංගිකව හැසිරුන යුවලට ඇප
1,512 Views
නවතම අයිෆෝන් 13 මාදිලිය සඳහා චන්ද්‍රිකා තාක්ෂණය ?
145 Views
සුපිරි පාපන්දු ක්‍රීඩක රොනාල්ඩෝගේ සරාගී බිරිඳ ජෝජිනා
201 Views
සමාජා ජාලා තුල මගේ පින්තූර යොදාගෙන අසත්‍ය පොස්ට් නිර්මාණය කරලා - ජනප්‍රිය කලාකාරු හර්ෂ තෙන්නකොන්
602 Views
ඇමතිවරු කැබිනට් සාමූහික වගකීම් කඩලා - ඕන නම් ඇමතිකමෙන් එලවා දමන්න පුලුවන්
119 Views
ගුරුතුමිය ඔන්ලයින් කරද්දී ඡංගම දුරකතනය රිලවෙක් ඩැහැගනී
115 Views
හිට් ගොසිප්
චන්දිමාල් ජයසිංහ හා පියුමි හංසමාලි අත්අඩංගුවට
5,271 Views
හෙට මධ්‍යම රාත්‍රියේ සිට රටටම ඇඳිරිනීතිය ???
3,693 Views
ලාංකාවේ කොවිඩ් මර්ධනය සදහා භාවිතා කරන එන්නත් ගැන ඔබ නොදත් දේ
2,753 Views
ලබන සතියේ නැවතත් 5000 දීමනාව
1,586 Views
පහන්තුඩාව ඇල්ලේ ලිංගිකව හැසිරුන යුවලට ඇප
1,512 Views