ඇමති කැමති කොම්පැනියෙන්, ටෙන්ඩර් නැතුව රු. බිලියන 9 ක නැනෝ නයිට්‍රජන් මිල දී ලීටර් මිලියන 2.1 ක් මිල දී ගැනීමට ‘කාබනික වගාව‘ නොව ගොවියාගේ බෙල්ල මිරිකලා රටේ කෘෂිකර්මයේ ආදායම සාක්කුවට දමා ගැනීමක් යැයි  යැයි හිටපු ආණ්ඩුකාර රජිත් කීර්ති තෙන්නකෝන් පවසයි.

කෘෂි රසායන - රසායන පොහොර මිලදී ගැනීමට ඩොලර් නැති නිසා ඇරඹූ ඊනියා ‘කාබනික වගා නාට්‍යය‘ ගොවියා කාබාසිනියා කර, ගොවිතැන විනාශ කර  තිබෙනවා. දැවැන්ත අර්බුදයක් නිර්මාණය කරලා, රටපුරා පෙළපාලි, පිකටින්, පඹයෝ පුච්චන තැනකට වැටුණා. 

අර්බුදයක් ඇති කරලා මල්ල පුරවා ගැනීමේ න්‍යාය අද ලංකාවේ දේශපාලන ව්‍යාවහාරය යැයි හිටපු ආණ්ඩුකාර තෙන්නකෝන් පවසයි.

රු. බිලියන 9 ක භාණ්ඩ මිලදී ගැනීමේ දී ප්‍රසම්පාදන ක්‍රියාවලියක් අනුගමනය කළ යුතුයි.  ඒ සඳහා නිර්ණායක ගණනාවක් තිබෙනවා.  අද රසායනාගාර පරීක්ෂණ නැතිව, කාබනික ලේබල් ඇතුව හෝ නැතිව රටට පොහොර ගේනවා.  මේක යට තියෙන්නේ දැවන්ත ගජමිතුරු ව්‍යාපාරයක්.

අද පොහොර ගෙන්වන්න ටෙන්ඩර් නෑ. මිල ගණන් නෑ. තරඟකරුවෝ නෑ.  ලංකාවේ මහ කන්නයේ අක්කර ලක්ෂ 8 ක වී වගාවටත්, වෙනත් වගාවන්ටත් අවශ්‍ය යැයි කියන පොහොර එක සමාගමකින් විවෘත මිල ගණන් නැතිව ගෙන්වා තියෙනවා. මේ දක්වා සමාගම් 6 ක් ගෙන්නපු රටේ අවශ්‍යතාවය ඇමති - ලේකම් කැමති තනි සමාගමකට දීලා තියෙනවා.
ගනුදෙනුවේ වටිනාකම රු. බිලියන 9 යි.  තවත් බිලියන 3 ක මිලදී ගැනීම් සඳහා සුදානම් වෙනවා.

අර්බුදයක් ඇති කරලා, රටක් හූරාගෙන කෑමේ ව්‍යාපෘතියට හොඳම උදාහරණයක් තමයි ගොවියාට කාබනික පෙන්නලා වැඩි මිලට බන්ඩි පොහොර ගෙන්වීම. සීනි ජාවාරම, පොල්තෙල් ජාවාරම වගේම මගඩියක්. 

මහ කන්නය පටන්ගන්න වල් නාශක නැති කම නිසා නැගෙනහිර, මහවැලි කලාපවල, මහියංගනය කුඹුරු අතහැර දමලා. උඩරට එළවළු වගාව, මල් වගාම සම්පූර්ණයෙන්ම නැවතිලා. හරිතාගාර වහලා දානවා.  වල් නාශක ඕනි කාලයට ආණ්ඩුව බන්ඩි පොහොර ගෙනල්ලා ඒවා ගබඩා ගරගෙන ඉන්නවා.  එම්.ඕ.පී. MOP පොහොර අවශ්‍ය කිසිම වගාවකට ඒවා නිකුත් කරන්නේ නෑ. 

කාබනික ලේබලේ ගහලා ආණ්ඩුවේ භාණ්ඩාගාරය හිස් කරලා තියෙනවා.
උඩරට ගොවියෝ දිලීර නාශක - කෘමි නාශක ඉල්ලනවා.  ආණ්ඩුව දෙන්නේ නෑ.

වියළි කලාපයට වල් නාශක - කෘමි නාශක ඉල්ලනවා. ආණ්ඩුව දෙන්නේ නෑ.

රටම පොහොර ඉල්ලනවා - පොහොර නැතිව දියර පොහොර ගෙනල්ල මඩිය තර කර ගන්නවා.

හෙට අනිද්දාට, තනි සමාගමකට කෘෂි රසායන ඒකාධිකාරය දෙන්න අවශ්‍ය පරිසරය ගොඩ නගාගෙන යනවා.  ටෙන්ඩර් නැතිව ඇමති කැමති සමාගමකට කෘෂි රසායන ඒකාධිකාරය දෙන්න හදනවා.  බෙහෙත් බෝතලයක් ගන්න කිරි පිටි, ගෑස්, සීනි ගන්න වගේම පොලීමේ ඉන්න වෙල යුගයක් හැදෙනවා.  ගොවියත් විනාශයි. රටත් විනාශයි. හැබැයි ගජ මිතුරෝ විතරක් ගොඩ යනවා. යැයි ද හිටපු ආණ්ඩුකාර තෙන්නකෝන් පවසයි.
 
රජිත් කීර්ති තෙන්නකෝන්
දකුණ හා මධ්‍යම පළාත් හිටපු ආණ්ඩුකාර

ජාතික සත්වෝද්‍යාන දෙපාර්තමේන්තුවේ අධ්‍යක්ෂ ජනරාල් (ඩීජී) ධූරයට හිටපු ජනාධිපති කාර්යාලීය සමාජ මාධ්‍ය ප්‍රධානී ශර්මිලා රාජපක්ෂ පත් කිරීමට නියමිත බව වාර්තා වේ.

පසුගිය දා එම ධුරයෙ සිටි ඉෂිනි වික්‍රමසිංහගේ ඉල්ලා අස්වූ අතර එලෙස ඇතිවූ පුරප්පාඩුවට තවත් රාජපක්ෂ කෙනෙක් ,එලෙස අනුයුක්ත කිරීමට නියමිතය.

ශර්මිලා රාජපක්ෂ 2020 ජුනි මාසයේදී ජනාධිපති සමාජ මාධ්‍යප්‍රධානී ධූරයෙන් සිය ඉල්ලා අස්විය. කෙසේවෙතත් රාජපක්ෂගේ පත්වීම තහවුරු කිරීම සඳහා ද මෝර්නින් පුවත්පත වනජීවී හා වන සංරක්ෂණ අමාත්‍යාංශයට කතා කර ඇති අතර, ඊට පිළිතුරු දෙමින් ඔවුන් පවසා ඇත්තේ පසුගිය (18)වන දා ශර්මිලා රාජපක්ෂගේ පත්වීමට අදාල කැබිනට් පත්‍රිකාව යවා ඇති බවයි. කෙසේ වෙතත්, ඊයේ (19) සහ අද (20) නිවාඩු දිනයක් බැවින් හෙට (21) කැබිනට් මණ්ඩල අනුමැතිය ලැබෙනු ඇත.

ජාතික සත්වෝද්‍යාන දෙපාර්තමේන්තුව භාරයේ සිටින අලි ඇතුන් 14 දෙනෙකු ලියාපදිංචිය සඳහා ඔවුන්ගේ මුල් අයිතිකරුවන් වෙත මුදා හැරීමට නියෝග ට කලකිරී පසුගිය දා ඉෂිනි වික්‍රමසිංහ ඉල්ලා අස්විය. එමෙන්මාලි ඇතුන් වෙනුවෙන් අලුත් නීති ආණ්ඩුව විසින් එය විවේචනයට ලක් වෙමින් පැවසුනේ නව ගැසට්ටුවෙන් අලි ජාවාරමට පාර කපන බවයි.

මහ පරිමාණ සහල් නිෂ්පාදකයන් කීරි සම්බා සහල් කිලෝවක් රුපියල් 40 කින් ද, සම්බා සහ නාඩු සහල් කිලෝවක් රුපියල් 15 කින් ද, ඉහළ දමා ඇතැයි ලංකා සහල් නිෂ්පාදකයන්ගේ සංගමයේ ලේකම් මුදිත පෙරේරා මහතා මාධ්‍ය වෙත පැවසීය.

රජය සහල් පාලන මිල ඉවත් කරමින් නරියට කුකුල්ළු බාර දුන්නාක් මෙන් මහ පරිමාණ සහල් නිෂ්පාදකයනක් කීපදෙනකුට රටේ සහල් මිල පාලනය බාර දී ඇති බව කී මුදිත පෙරේරා මහතා මීට පෙර අඩු මිලට ගත් වී අඹරණ ගමන් එළියෙ වී මිල ඉහළ දමා අධික ලාභයක් ලැබීම සහල් මාෆියාව බව ද සඳහන් කළේය.

මෙම මිල ඉහළ දැමීමත් සමඟ කීරි සම්බා කිලෝවක් රුපියල් 210 ක් දක්වා ද, සම්බා කිලෝවක් රුපියල් 155 ක් දක්වා ද, නාඩු සහල් කිලෝවක් රුපියල් 130 ක් දක්වා ද, ඉහළ දමා ඇති බවත් ලංකා සහල් නිෂ්පාදකයන්ගේ සංගමයේ ලේකම් මුදිත පෙරේරා මහතා වැඩි දුරටත් කීය. රජය සහල් පාලන මිල ඉවත්කිරීමෙන් පසු නාඩු කිලෝවක් රුපියල් 115 කට, සම්බා කිලෝවක් රුපියල් 140 කට සහ කිරී සම්බා කිලෝවක් රුපියල් 165 කට අළෙවි කරන බව මහා පරිමාණ සහල් මෝල් හිමියන්ගේ සංගමය පැවසීය.

රසායනික පොහොර භාවිතය තහනම් කරමින් නිකුත් කරනු ලැබූ ගැසට් නිවේදනය වැරදි උපදෙස් මත සිදුවූවක් බව කෘෂිකර්ම අමාත්‍යාංශයේ ලේකම් මහාචාර්ය උදිත් කේ. ජයසිංහ මහතා පැවසීය.

මේ සම්බන්ධයෙන් ජනාධිපති ගෝඨාභය රාජපක්ෂ මහතා හෝ රජය හෝ විෂය භාර අමාත්‍යවරයා වගකිව යුතු නැති බවත්, ඉහළ දේශපාලනාධිකාරීන්ට උපදෙස් ලබාදීමේදී එය නිවැරදි ආකාරයට කළ යුතුව ඇති බවත් ලේකම්වරයා සදහන් කළේය.

ජනාධිපතිවරයාගේ සෞභාග්‍යයේ දැක්ම ප්‍රතිපත්ති ප්‍රකාශය සකස් කිරීමට තමාද දායක වූ බව කී ලේකම්වරයා, ඔවුනට අවශ්‍ය වූයේ විෂ කෘෂි රසායනික පොහොර භාවිත කරන සංස්කෘතියක සිට විෂ රහිත ගුණත්වයෙන් ඉතා ඉහළ පැළෑටි පෝෂක භාවිතය හදුන්වාදීම බවද කීවේය.

එම නිසා, කෘෂිරසායනික භාවිත කිරීම තහනම් කරමින් ගැසට් නිවේදනයක් නිකුත් කරනවා වෙනුවට ඉහළ ගුණත්වයෙන් යුතු පරිසර හිතකාමී පැළෑටි පෝෂක ආනයනයට අවසර දිය යුතු යැයි ද ඔහු සදහන් කළේය.

එම ගැසට් නිවේදනය එලෙස නිකුත් කර තිබුණේ නම් අද රටේ තත්වය වඩාත් යහපත් එකක් වනු ඇති බවද ඔහු සදහන් කළේය.

වත්මන් තත්වය පිළිබදව ජනාධිපතිවරයා අමාත්‍යවරුන් පර්යේෂකයන් සහ පරිපාලකයන් සාක-ච්ඡා කළ බවත් වර්තමාන ගැටලුව විසදිය යුතු බවට ද එහිදී සාකච්ඡා වූ බවත් හෙතෙම කීවේය.

අනව්‍යශ විෂ සහිත පොහොර වෙනුවට ඉහළ ප්‍රමිතියකින් යුතු ජෛව පොහොර භාවිත කළ යුතු බව ද ඔහු ප්‍රකාශ කළේය.

රාජ්‍ය ඖෂධ නීතිගත සංස්ථාවේ (SPC) සභාපති විශේෂඥ වෛද්‍ය ප්‍රසන්න ගුණසේන ඉල්ලා අස්වී ඇති බව වාර්තා වේ.

පවතින රාජකාරි පීඩනය තවදුරටත් දරා ගත නොහැකි වීම නිසා   විශේෂඥ වෛද්‍ය ප්‍රසන්න ගුණසේන විසින් මෙම තීන්දුව ගෙන ඇතැයි දැනගන්නට ඇත.

එම ඉල්ලා අස්වීම පිළිබඳ ජනාධිපතිවරයා ද මේ වනවිට දැනුවත් කර ඇති බවත් සෞඛ්‍ය අමාත්‍යවරයාට තවම එම ලිපිය නොමැති බව ද සෞඛ්‍ය අමාත්‍යාංශ ආරංචි මාර්ග කියයි.

එමෙන්ම රාජ්‍ය ඖෂධ නීතිගත සංස්ථාවේ  කළමනාකාර අධ්‍යක්ෂ ලලිත් ජයකොඩි ද සිය තනතුරෙන් ඉල්ලා අස්වීමට තීරණය කර ඇතැයි ආරංචි මාර්ග පවසයි.

මේ සම්බන්ධව අප කළ විමසීමක දී ඖෂධ සැපයීම, බෙදාහැරීම හා නියමන රාජ්‍ය අමාත්‍යංශයේ ලේකම් වෛද්‍ය සමන් රත්නායක සඳහන් කළේ  විශේෂඥ වෛද්‍ය ප්‍රසන්න ගුණසේන ගේ පත්වීම ජනාධිපති ගෝඨාභය රාජපක්ෂ   විසින් සිදුකළ එකක් බැවින්  ඔහුව එම තනතුරෙන් ඉවත් කළ හැක්කේ ජනාධිපතිවරයාට පමණක් බවත් එසේ නොවන්නේ නම් සභාපතිවරයාට ස්ව කැමැත්තෙන් ඉල්ලා අස්විය හැකි බවත්ය.   

වෛද්‍ය ප්‍රසන්න ගුණසේන  සිය කැමැත්තෙන් තනතුරෙන් ඉවත් වන්නේ නම් එසේ ඉල්ලා අස්වීමේ ලිපිය තමා වෙත භාරදිය යුතු නමුත් එවැන්නක් මෙතෙක් සිදුවී නොමැති බවද හෙතෙම පැවසීය

කොවිඩ් වසංගත සමය තුළ එන්නත් ඇනවුම් කිරීම හා ඒවා කඩිනමින් ගෙන්වා ගැනීම කළ, රටේ පැවති ඔක්සිජන් හිඟය පියවීමට  කඩිනමින් කටයුතු කළ සභාපතිවරයා එම තනතුරෙන් ඉවත් වුවහොත් එය ගැටලුවක් බවත්, ඉදිරියේදී නැවත කොවිඩ් රැල්ලක් ඇතිවුවහොත්  රට  අර්බුධකාරී තත්ත්වයකට ගමන් කළ හැකි බවත්  ලේකම්වරයා කීවේය.

කාබනික පොහොර ආනයනය කිරීම පිළිබඳව මතු ව ඇති ගැටලුව සම්බන්ධයෙන් ආණ්ඩුව මුරණ්ඩුකාරී ප්‍රතිපත්තියක නොසිටින බව කැබිනට් ප්‍රකාශක ජනමාධ්‍ය අමාත්‍ය ඩලස් අලහප්පෙරුම මහතා පවසයි.

ඔහු මේ බව සඳහන් කළේ, අද (ඔක්. 19) පැවති කැබිනට් තීරණ දැනුම් දීමේ මාධ්‍ය හමුවේදී මාධ්‍යවේදියෙකු  නැගූ ප්‍රශ්නයකට පිළිතුරු දෙමිනි.

ගොවීන් රසායනික පොහොර භාවිතයෙන් ඉවත් කරමින් කාබනික පොහොර ගෙන් වන බව පැවසුව ද ආණ්ඩුව ඉන්දියාවෙන් නැනෝ නයිට්‍රජන් දියර පොහොර ලෙස නැවත රටට රසායනික පොහොර ගෙන්වීම තුළින් ආණ්ඩුව ප්‍රතිපත්තිය ක්‍රියාත්මක කර නැතැයි එහිදී මාධ්‍යවේදියා ප්‍රශ්න කළේ ය.

ඊට පිළිතුරු ලබා දෙමින් ඩලස් අලහප්පෙරුම මහතා ප්‍රකාශ කළේ, ගොවීන්ගේ අස්වැන්න සහ ආර්ථික ගැටලු පිළිබඳව සලකා බලමින් අවශ්‍ය අවස්ථාවලදී පියවරක් පසුපසට ගැනීම වරදක් නොවන බව ය.

මාධ්‍යවේදියා: මහ කන්නය ආරම්භ වීමට කටයුතු සූදානම් වෙලා තියෙනවා. අපි දකිනවා ගොවියෝ දිවයින පුරා පොහොර ඉල්ලා පෙළපාලි යමින් ඉන්නවා. ආණ්ඩුවේ ප්‍රතිපත්තිය වුණේ කාබනික වගාවට  මිනිස්සු යොමු කරනවා. මේ රසායනික භාවිතයෙන් ඉවත් කරලා, අලුත් වැඩපිළිවෙළක් හඳුන්වලා දුන්නා ප්‍රතිපත්තිමය වශයෙන්. නමුත් අපි දකිනවා ඉන්දියාවේ මේ නයිට්‍රජන් පොහොර නැනෝ තාක්ෂණයෙන් හදපු නයිට්‍රජන් පොහොර. කෙසේ වුණත් අපි දකින විදිහට මේකත් රසායනික පොහොර ආණ්ඩුව දැන් මොකක් ද මේ අනුගමනය කරමින් ඉන්නේ? එක පැත්තකින් ගොවීන්ට පොහොර නැහැ. අනෙක් පැත්තෙන් ආණ්ඩුව ප්‍රතිපත්තිය ක්‍රියාත්මක වෙලත් නැහැ. මේ තත්ත්වය තුළ මෙවර ජනතාවට මහ කන්නයේදී මොන වගේ ගැටලුවකට මුහුණ දෙන්න වෙයි ද?

ඩලස් අලහප්පෙරුම: මේ ආණ්ඩුව කිසි ම ප්‍රශ්නයකදී දැඩි මුරණ්ඩු ප්‍රතිපත්තියක, ආණ්ඩුව හිතන දේ ම අනිවාර්යයෙන් කරන්න ඕන කියන දැඩි මුරණ්ඩුකාරී ප්‍රතිපත්තියක නැහැ. මේ ප්‍රතිපත්තිය නරක ප්‍රතිපත්තියක් නෙවෙයි නේ. කාබනික පොහොර පිළිබඳ ප්‍රතිපත්තිය කිසිම කෙනෙකුට කියන්න බැහැ. මේක වැරැදි චේතනාවකින් ගෙනාපූ නරක ප්‍රතිපත්තියක් කියලා කාටවත් කියන්න බැහැ. මේක ලෝකේ පුරා ම සම්භාවනයට පාත්‍ර වෙච්ච යහපත් ප්‍රතිපත්තියක්. අපේ ඉතිහාසය පවා පිරිලා තියෙන්නේ. කාබනික පොහොරත් එක්ක තමා අපේ කෘෂිකර්මාන්තය ඉහළ තැනකට ගියේ. අපි විදේශ රාජ්‍යයන්ට පවා ඉතිහාසයේ සහල් අපනයනය කරපු ජාතීන්, රසායනික පෙහොර භාවිතාවෙන් නෙවෙයි. ඒක හොඳ ප්‍රතිපත්තියක් නමුත් මේ සංවාදය තියෙන්නේ මේකේ කාලවකවානු පිළිබඳව. යම් ගැටලුවක් මතු වෙච්ච හැම තැනකදී ම. දැන් මල් වගාව සම්බන්ධයෙන් ඊයේ කැබිනට් මණ්ඩලයේදී සාකච්ඡා වුණා. මල්වල වර්ණ ගැන්වීමට පවා වෙන ම වූ රසායනික ද්‍රව්‍ය සහිත පොහොරවල් තියෙනවා කියන එක. උදාහරණයක් විදිහට කාබනික පලිබෝධ නාශක පිළිබඳ යම් හිඟයන් තියෙන බව වාර්තා වෙනවා. ද්‍රව නයිට්‍රජන් පිළිබඳවත් එවැනි ම ආකාරයක් තමා තිබුණේ. ඒ නිසා අනම්‍ය දැඩි මුරණ්ඩු ප්‍රතිපත්තියක ඉඳගෙන නෑ උඹලා කැමති උණත් නැති උණත් මේක කරන්න ඕන. එහෙ ම නෙවෙයි. 

අපි අර ඉලක්කයට යෑම සඳහා යම් කාලයක් ගත වෙයි. ඒ ගත වන කාලසීමාව තුළදී ගොවියාගේ පැත්තෙන් ප්‍රශ්න දිහා බලලා, අස්වැන්න පැත්තෙන් ප්‍රශ්න දිහා බලලා, ඔවුන්ගේ ආර්ථීක පැත්තෙන් ප්‍රශ්න දිහා බලලා අවශ්‍ය තැන් වලදී පියවරක් පසුපසට ගැනීම වැරැද්දක් නෙවෙයි. එය එසේ විය යුතුයි. මේකේ අවසාන වශයෙන් බලන්න ඕන අපේ රටේ අස්වැන්නත් අහිංසක ගොවීන්ගේ ආර්ථිකය දිහාත් බලලා. අපි ආණ්ඩුවක් විදිහට පැහැදිලිව ම එවැනි අර්බුදකාරී තැනකදී අවසාන විග්‍රහය විදිහට ගොවීන්ගේ පැත්තෙන් මේ විග්‍රහය ගන්න පැකිලෙන්නේ නැහැ. ඒක වැරැද්දක් නෙවෙයි. ඒක පසු බැසීමක් නෙවෙයි.

ඉකුත් දිනවලදී හාල් මිල මෝල් හිමියන් විසින් සහ ගෑස්, කිරිපිටි, සීනි මිල ව්‍යාපාරිකයන් තීන්දු කළා සේ මෙවර බස් ගාස්තුද බස් සංගම් විසින් තීරණය කරන බව බස් හිමියෝ සදහන් කර සිටිති.

මාධ්‍ය හමුවක් පවත්වමින් ඔවුන් කියා සිටියේ එකී අවස්ථාවලදී පාරිභෝගික අධිකාරිය නිහඩව සිටියා සේ මෙවර ගමනාගමන මණ්ඩලයද නිහඩව සිටිය යුතු බවකි.

 

මෙරට තුළ ගව ඝාතනය තහනම් කිරීමට සහ ඊට අදාළ නීති සහ රෙගුලාසි ක්‍රියාත්මක කිරීමට අමාත්‍ය මණ්ඩල අනුමැතිය හිමිව තිබේ.

ඊයේ (18) පස්වරුවේ ජනාධිපති ගෝඨාභය රාජපක්ෂ මහතාගේ ප්‍රධානත්වයෙන් රැස්වූ අමාත්‍ය මණ්ඩලයට අදාළ කැබිනට් පත්‍රිකාව ඉදිරිපත් කර ඇති අතර එහිදී ඊට අදාළ අනුමැතිය හිමිව ඇති බව රජයේ ප්‍රවෘත්ති දෙපාර්තමේන්තුව සඳහන් කළේය.

දේශීය කෘෂිකර්මාන්තය සහ දේශීය කිරි නිෂ්පාදනය ඉහළ නැංවීම සඳහා ගව ඝාතනය තහනම් කිරීමටත්, ඊට අදාළ නීති සහ රෙගුලාසි මෙන්ම ගව ඝාතනයට අදාළව පළාත් පාලන ආයතන විසින් සම්මත කරන ලද අනු නීති සංශෝධනය කිරීමටත්, පසුගිය වසරේ සැප්තැම්බර් මස 28 වන දින පැවති අමාත්‍ය මණ්ඩල රැස්වීමේදී අනුමැතිය හිමිවුණි.

ඒ අනුව පනත් සහ ආඥා පනත් කිහිපයක් සංශෝධනය කිරීම සඳහා නීති කෙටුම්පත් සම්පාදක විසින් පනත් කෙටුම්පත් සකස් කර ඇති බව සඳහන් වේ.

*272 අධිකාරය වන 1893 අංක 9 දරණ ගව ඝාතක ආඥාපනත

*1958 අංක 29 දරණ සත්ත්ව පනත

* 525 අධිකාරය වන මහනගර සභා ආඥාපනත

*255 අධිකාරය වන නගර සභා ආඥාපනත

*1987 අංක 15 දරණ ප්‍රාදේශීය සභා පනත

එම කෙටුම්පත් ආණ්ඩුක්‍රම ව්‍යවස්ථාවේ විධිවිධානයන්ට අනනුකූල නොවන බව නීතිපතිවරයා විසින් සහතික කර තිබේ.

ඒ අනුව එම පනත් කෙටුම්පත් රජයේ  ගැසට් පත්‍රයේ පළ කිරීමටත්, ඉන් අනතුරුව පාර්ලිමේන්තුව වෙත ඉදිරිපත් කිරීමටත් නියමිත අතර ඒ සදහා  අවශ්‍ය අමාත්‍ය මණ්ඩල අනුමැතිය හිමිව ඇති බව සඳහන් වේ.

ශ්‍රී ලංකාව සහ ඉන්දියාව අතර දීර්ඝ කාලයක සිට පවතින ධීවර අර්බුදය උග්‍ර අතට පත්ව තිබේ.

ඒ අනුව කච්චතිව් මුහුදු තීරයේ තමන්ට ධීවර කටයුතුවල නිරත වන ලෙස ඉන්දීය ධීවරයින් යළිත් වරක් ඉල්ලීම් සිදුකර ඇති බව ඉන්දීය මාධ්‍ය වාර්තා කළේය.

මීට අදාළව රාමේෂ්වරම් හි යාන්ත්‍රික බෝට්ටු ධීවරයින් පිරිසක් ආරම්භ කළ උද්ඝෝෂණය අද (19) දිනයේදීත් ක්‍රියාත්මක වේ.

එහිදී ඔවුන් ඉල්ලා ඇත්තේ කච්චතිව් මුහුදු තීරයේ ධීවර කටයුතුවල නිරතවීමට මධ්‍යම රජයෙන් සහ ප්‍රාන්ත රජයෙන් අවසර ලබාදෙන ලෙසය.

අනුව එම උද්ඝෝෂණය ඊයේ (18) දිනයේ දී ආරම්භ කෙරුණු අතර එය සතියක් පුරා ක්‍රියාත්මක කිරීමට එම ධීවරයින් සැලසුම් කර තිබේ.

එමෙන්ම පසුගියදා ශ්‍රී ලංකා නාවික හමුදාව විසින් අත්අඩංගුවට ගත් ඉන්දීය ධීවර යාත්‍රාවලට සුදුසු වූ වන්දි මුදලක් ලබා දෙන ලෙස ද ඔවුන් ඉල්ලීමක් කර ඇති බව සඳහන් වේ.

මේ අතර ජාත්‍යන්තර මුහුදු සීමාව උල්ලංඝනය කරමින් ශ්‍රී ලංකා මුහුදේ ධීවර කටයුතුවල නිරත නොවන ලෙස තමිල්නාඩු පොලීසිය එරට ධීවරයන්ට දැනුම් දී තිබේ.

එලෙස නීතිවිරෝධී ලෙස ධීවර කටයුතු සිදුකළහොත් ප්‍රහාරයන් එල්ල විය හැකි බවට තමිල්නාඩු පොලීසිය ඉන්දීය ධීවරයින් ට පවසා ඇත.

නිෂ්පාදන වියදම පහත හෙළීම සඳහා අවශ්‍ය ක්‍රියාමාර්ග නොගතහොත් බිත්තර මිල ඉහළ යෑම පාලනය කළ නොහැකි බව සමස්ත ලංකා බිත්තර නිෂ්පාදකයින්ගේ සංගමය පවසයි.

මේ වන විටත් රුපියල් 22ක් වැනි මුදලකට බිත්තරයක් පාරිභෝගික ජනතාවට ලැබෙන අතර එය තවදුරටත් ඉහළ යා හැකි බව ඔවුන් පෙන්වාදෙයි.

කුලියාපිටිය ප්‍රදේශයේ කැඳවා තිබූ මාධ්‍ය හමුවකට එක්වෙමින් සමස්ත ලංකා බිත්තර නිෂ්පාදකයින්ගේ සංගමයේ සභාපති සරත් රත්නායක මහතා මේ බව සඳහන් කළේය.

"බිත්තර මිල ඉහළ දාන්න ප්‍රධානම කාරණය අපි මේකට බඩඉරිඟු තමා මේ ආහාරයට සියයට 45ක් අපි පාවිච්චි කරන්නේ. ඒ බඩඉරිඟු කිලෝ එක මීට මාස 5 - 6කට ඉස්සර වෙලා රුපියල් 55ක් - 60ක් අතර තිබ්බේ. අද රුපියල් 100 දක්වා ඉහළ ගිහින් තියෙනවා. ඒත් පොඩි ගොවියාට බඩඉරිඟු අද හොයා ගන්න බැරි තත්ත්වයක් අද උදාවෙලා තියෙනවා.  අනිත් එක අපි සියයට 20ක් පාවිච්චි කරනවා සෝයා. අද රුපියල් 185ක් වෙලා තියෙනවා. එතකොට අපි ඩීසීපී කියලා අපි පාවිච්චි කරනවා ඒක රුපියල් 85ක් වුණ එක රු 250ක් වෙලා තියෙනවා. අපි ගන්න අමුද්‍රව්‍ය සියයට 60ක් විතර පිටරටින් තමා අනායනය කරන්නේ. ඒවා සියයට 100ක් ගිහින්. ඇත්තටම බිත්තර මිල ගණන් ඉහළ යන්න හේතුව ඕක තමා."

මේ අතර පාලන මිලක් ක්‍රියාත්මක වුවද වෙළෙඳපොළේ අලෙවිය සඳහා තබා ඇති සීනි මිල ගණන් සීඝ්‍ර ලෙස ඉහළ යමින් පවතින බවට පාරිභෝගිකයින් චෝදනා කරයි.

පසුගිය කාලසීමාව තුළ සීනි මිල ගණන් රුපියල් 200ය සීමාව ඉක්මවා ගිය පසුබිමක සීනි සඳහා පාලන මිලක් නියම කිරීමට රජය පියවර ගත්තේය.

ඒ අනුව සුදු සීනි කිලෝග්‍රෑමයක් සඳහා රුපියල් 122ක පාලන මිලක් සහ දුඹුරු සීනි සඳහා රුපියල් 135 ක පාලන මිලක් යෙදවීමට රජය පියවර ගත්තේය.

කෙසේ වෙතත් ඇතැම් ව්‍යාපාරික ස්ථානවල රුපියල් 150ක් වැනි මුදලකට සීනි අලෙවි කරන බව පාරිභෝගික පාරිභෝගිකයින් සඳහන් කළේය.

ඇතැම් අවස්ථාවලදී ව්‍යාපාරිකයින් සීනි තොග සඟවා මිල ඉහළ දැමීමට පියවර ගන්නා බව ද වාර්තා වේ.

ඉන්දියානු ජාතික ගුවන් සේවය විකුණා දමයි....
41 Views
ලංකාවේ මිනිස්සු රජකාලේ ගෙවන ලද බදු සහ දඩ
71 Views
සැබවින්ම එල්ලංගාවක් යනු කුමක්ද? ලොවේ එකම වැව් ශිෂ්ටාචාරය: ශ්‍රී ලංකාව - ශෙවාන් ඩැනියෙල් විසිනි
143 Views
බ්‍රිතාන්‍යය රතු ලැයිස්තුවෙන් ශ්‍රී ලංකාව ඉවත් කරයි.
77 Views
පිලිපීනයෙන් ලංකාවට පනවා තිබූ සංචාරක තහනම ඉවත් කරයි
119 Views
දිවියට සුවය සහ සවිය ගෙනෙන ප්‍රෝටීන් බලය
64 Views
කොවිඩ් රෝගීන්ට වැලඳෙන කළුපුස් රෝගය ගැන අනතුරු ඇඟවෙයි.
46 Views
සෑම පවුලකටම ආයුර්වේද මංඡුසාවක්
65 Views
ලැම්ඩා (Lambda) ගැන දැනුවත් ද?
127 Views
කළුදුරු තෙල්වල ප‍්‍රතිශක්තිය වඩන ප‍්‍රබල හැකියාවක් ඇත... ආයුර්වේද වෛද්‍ය, මහාචාර්ය එම්. එච්. ඒ. තිසේරා
149 Views
කිං ඛාන්ගේ පුතා රජගේමකදී පොලීසියට මාට්ටු..
50 Views
තිසර පෙරේරා ඇමරිකාවට යාමට සූදානමක්
58 Views
ඉතිහාසයේ පළමුවරට සිංහල ගීතයක විකාශන අයිතිය ඉන්දියානු සමාගමක් ලබාගනී..
127 Views
මාලිංග නැවතත් ශ්‍රී ලංකා ක්‍රිකට් පිටියට..
93 Views
රාගම සුප්‍රසිද්ධ ගුරෙක් ලඟ කාලිපූජා තැබූ ජනප්‍රිය ක්‍රිකට් ක්‍රීඩකයන් දෙපල කවුද ?
141 Views
කාන්තාවක් දැරණියගල සභාපතිගේ නාසය කපලා
97 Views
පහන්තුඩාව ඇල්ලේ ලිංගිකව හැසිරුන යුවලට ඇප
1,552 Views
නවතම අයිෆෝන් 13 මාදිලිය සඳහා චන්ද්‍රිකා තාක්ෂණය ?
213 Views
සුපිරි පාපන්දු ක්‍රීඩක රොනාල්ඩෝගේ සරාගී බිරිඳ ජෝජිනා
249 Views
සමාජා ජාලා තුල මගේ පින්තූර යොදාගෙන අසත්‍ය පොස්ට් නිර්මාණය කරලා - ජනප්‍රිය කලාකාරු හර්ෂ තෙන්නකොන්
680 Views
හිට් ගොසිප්
චන්දිමාල් ජයසිංහ හා පියුමි හංසමාලි අත්අඩංගුවට
5,302 Views
හෙට මධ්‍යම රාත්‍රියේ සිට රටටම ඇඳිරිනීතිය ???
3,735 Views
ලාංකාවේ කොවිඩ් මර්ධනය සදහා භාවිතා කරන එන්නත් ගැන ඔබ නොදත් දේ
2,819 Views
ලබන සතියේ නැවතත් 5000 දීමනාව
1,617 Views
පහන්තුඩාව ඇල්ලේ ලිංගිකව හැසිරුන යුවලට ඇප
1,552 Views